Sant Feliu de Veri (en castellano San Feliu de Veri) ye un lugar aragonés de la provincia de Uesca situato en la comarca de Ribagorza, en lo municipio de Bisagorri. En 1991 teneba una población de 81 habitants.
Cheografía Ye situau sobre lo barranco de Gabás, a 1.415 metros d'altaria sobre lo nibel de la mar y a una distancia de 136 km d'a ciudat de Uesca, la capital de la suya provincia, y conta con 4 aldeyas arredol: Buyelgas, La Muria, Doz y Veri.
Toponimia En lo Fogache de 1495 s'escribiba Sant Feliu. En las Guías Prames s'escribe San Feliu sin d'apelativo.
Parla
La parla de Sant Feliu de Veri fa part chunto con las parlas de Sant Martín de Veri, Veri, Dos, Buyelgas y La Muria de la "zona C" de l'aragonés benasqués.
Adintro de las parlas de transición entre l'aragonés y lo catalán la "zona C" representa un grau mayor de coincidencia con lo catalán que las atras parlas de la Val de Benás. La menor frecuencia de diftongacions romances (la diftongación romanz distingue a l'aragonés de lo catalán), se manifiesta en un sufixo -ello en cuenta de lo sufixo -iello. Bi ha una mayor frecuencia de l'apocope de la vocal final y unas formas en la conchugación que mes pareixidas a lo catalán (faigo, diuen, veu, cau, viuen, pot, volé, etcetera); tamién bi ha diferiencias lexicas.
Molimentos Ilesia de Sant Felix, sieglo XVI.
Se veiga tamién Lista de municipios de Uesca.
Categoría:Entidaz locals menors d'Aragón Categoría:Lugars de Bisagorri Categoría:Localidaz d'a diocesi de Balbastro-Monzón en Ribagorza