Acumuer ye un lugar d'a provincia de Uesca situato en o municipio de Samianigo, en l'Alto Galligo. Catálogo de pueblos y municipios de Aragón. Estadística de población y nomenclaturas toponímicas entre 1900 y 2004 (PDF), Gubierno d'Aragón, 2005, , p.6
Se troba en a val d'Acumuer, trescruzata por o río Aurín, a 12 km de Samianigo y a nomás 5 km d'a Garcipollera.
A suya ilesia parroquial yera d'estilo romanico cuan se construyió entre os sieglos XI y XII, pero bi ha habito muitas transformacions dende allora.
Tamién pueden trobar-sen de camín ta Acumuer, en a marguin chucha de l'Aurín, i son as ruinas d'o monesterio d'Arrasul, d'orichen prerromanico.
Se fabla l'Aragonés d'a val d'Acumuer.
Demografía Como en atros lugars d'a redolada a población albandonó lo lugar ta marchar a treballar ta la ciudat. Encara a principios d'o sieglo XX a población d'o lugar yera de cuasi 500 habitants, estando lo segundo lugar mas poblato d'a redolada por dezaga de Biescas:
Evolución demografica Anyo 1873 1892 1900 1903 1907 1918 Casas 64 67 69 77 82 65 Habitants 373 356 - 485 483 410
Molimentos A Ilesia de Nuestra Sinyora de l'Asumpción d'Acumuer, una ilesia d'o sieglo XVIII en estilo barroco adedicada a Nuestra Sinyora de l'Asumpción, que ye la ilesia parroquial d'o lugar. Parroquias del Arciprestazgo de Sabiñánigo en o sitio web d'a Diocesi de Chaca.
Referencias
Vinclos externos Población d'Acumuer a la fin d'o sieglo XIX y prencipio d'o XX.
Categoría:Lugars de Samianigo Categoría:Lugars d'a provincia de Uesca Categoría:Localidaz d'a diocesi de Chaca en l'Alto Galligo