L'occitán cispirenenco (dito occitán transpirenenco seguntes lo punto de vista d'Occitania) ye l'occitán que se charraba en bella localidat a lo sud de lo Pireneu en la Edat Meya, coexistindo u mugando con lo basco u con lo navarro-aragonés.
La luenga occitana la trayeban los occitans (ditos "francos") que s'establiban en las ciudaz. En lo Camín de Sant Chaime los comerciants y artesans "francos" yeran en contacto con los pelegrins, que a sobén charraban occitán tamién. Los repobladors occitans manteneban menos a suya lengua en atras zonas como la val d'Ebro u Sistema Iberico porque no teneban tanto contacto con chent d'o suyo país y porque lis yera fácil aprender y emplegar las luengas romances de la chent aragonesa, navarra u mozarabe con qui coexistiban.
En Chaca l'occitán se charró dica zaguers de lo sieglo XIII u primers de lo sieglo XIV, en Estella y Pamplona duró dica lo sieglo XVI. Que en Chaca se charrase occitán clamaba l'atención de l'autor medieval de la "Cronica de los estados peninsulares", escrita en aragonés:
Reflexo de la presencia d'esta luenga ye la presencia de trobadors en lengua occitana y bel documento oficial, especialment los Establimentz de Chaca y diferents redaccions de lo Fuero de Chaca.
Bibliografía Luís Santomá Juncadella: El entorno lingüístico del occitano cispirenaico aragonés del siglo XIII. Universidad complutense de Madrid, Departamento de Filología Románica, 2012 Ricardo Ciérbide Martirena: La Lengua de los francos de Estella : intento de interpretación. Archivo de filología aragonesa Zaragoza [T.] 48-49 (1992/1993), p. 9-45
Cispirenenco Categoría:Parlas y dialectos mugants con o navarro-aragonés Categoría:Luengas d'Aragón