Lo Reyal Monesterio de Santa María de Veruela (pronunciau en aragonés /ber.'we.la/) ye un centro que perteneix a la Orden de Cistels y se troba en lo termin de Vera de Moncayo.
Historia Se fundó en 1146 con monches procedents de lo monesterio francés de Scala Dei invitaus por don Pero d'Atarés MONASTERIO DE NUESTRA SEÑORA DE VERUELA en a Gran Enciclopedia Aragonesa, que donó los lugars de Veruela y Maderuela; donación confirmada por Remón Berenguer IV. Con ixo Veruela estió lo primer monesterio de la Orden de Cistels en la Corona d'Aragón.
O suyo patrinonio s'ixampló a escape, prencipalment con donacions reyals: Remón Berenguer IV lis concedió Mont-fort, Figueruelas y Alcalá de Moncayo. Sancho III de Castiella y Sancho VI de Navarra tamién lis concedioron muitos privilechios. Alifonso II d'Aragón anyadió a estos dominios Vera de Moncayo, Pozuelo, Purillosa y lo castiello de Ferrera. Los dos zaguers lugars los cambioron por Bulbuent. Dimpués y d'atras maneras consiguioron Litago, Maleixán, la grancha de Mazalcoraz, Villamayor (no lo de Zaragoza), y Ainzón.
Tamién tenioron heredaz por tot lo territorio aragonés, como praus en Talamantes, Tagüenca, Trasobars, pedreras en Trasmoz y l'augua d'Anyón.
Documentación Los documentos medievals de lo monesterio de Veruela son escritos en latín y en aragonés. Bi ha una carta de donación de 1168 escrita en un latín con muitos elementos romances u con elementos romances latinizaus. Belunas de las cartas de población de lugars propiedat de lo monesterio son escritas en aragonés, por eixemplo las de Villamayor y de Pozuelo.
Referencias
Vinclos externos Ficha en a web d'o SIPCA
Categoría:Biens d'Intrés Cultural de Tarazona y Moncayo Veruela Veruela Veruela Veruela Categoría:Molimentos de Vera de Moncayo