Ta atros emplegos d'o termino Mont Agut, se veiga Mont Agut (desambigación).
Mont Agut (Monteagudo en castellano) ye un municipio de Navarra situato a 108 km de Pamplona, a man de lo río Ebro. La suya población ye de 1146 habitants(2006), en una superficie de 10,91 km² y una densidat de población de 105,04 hab/km².
Mugas Lo suyo termin municipal muga con Tulebras y Cascant, a lo sud con Novallas (Aragón), y a l'este con Variellas y con Malón (Aragón).
Toponimia En los textos medievals en latín s'escribe de muitas trazas, belunas en latín (Montis Acuti), belunas latinizatas (Monte Acuto), belunas romances (Mont Agut):
Montis Acuti (1157), Montem Acuti (1128), Montem Acutum (1157). Monte Acuto (1157), Monte Accuto (1157, en latín), Mont Acuto (muito a sobén, por eixemplo uno de 1132), Monteacuto (1124, 1154, 1164, 1172). Montacud (1199, en l'antroponimo Jordan Montacud), Montacut (1143 texto en latín muito arromanzato), Mont Acut (1139), Mont Accut (1134), Mont Agut (1199, 1210), Montagut, (1117, 1131, 1133, 1134, 1135, 1199, a vegatas como apellitos), Montagud (1143 en apellitos pero en textos latinos).
La forma Montagudo ye de lo sieglo XVII y puet considerar-se una forma castellana con vocal recomposata.
Gustavo Adolfo Becquer podió inspirar-se en lo nombre d'este lugar cuan viviba en lo Monesterio de Veruela y escribió la lechenda Creed en Dios u Cantiga provenzal, en la que un personache se clama Teobaldo de Montagut.
Demografía
Veyer tamién Lista de municipios de Navarra
Categoría:Localidaz de Navarra Categoría:Municipios de Navarra que mugan con Aragón