L'abillaneraCon as variants abellanera y abechanera. Rafel Vidaller Tricas: Nuestros árboles, Cuadernos altoaragoneses de trabajo 2, Instituto de Estudios Altoaragoneses, 1993, , p. 2 u abillaneroCon as variants abillaner y abellanero. ( L., 1758) ye un arbusto de grans dimensions (bien pocas vegadas s'apresenta como árbol) de fuella caduca, natural d'Europa. Ye una d'as pocas especies agricolas que tamién se pueden trobar en estato silvestre (que ixo ye no asilvestratas) en as nuestras latituz, fendo casa suya d'os puestos humidos y pocins en os monts d'a Peninsula, y tamién con d'especial abundancia en as valles d'o Pireneu axial. En cautivo, s'ha de criar en regano.

Descripción En plega d'alto ta os 8 metros, anque en condicions particulars en hai conoixitos que n'han plegato ta os 15. A madera ye dura, flexible y resistent, y nantes se feba marchar a saber-lo ta fer-ne astils ta as ferramientas de labor, baranas y cerca ta as puertas. As fuellas redondadas, d'entre 6 y 12 cm de lonchitut y d'amplura y con d'os cantos asarratos, son tovas y s'emplegan de pastura ta'l bestiar (con buena gana que les posan a las uellas y las crabas) en os lugars a on que l'árbol ye abundant.

As flors amaneixen antes que no las fuellas, de buens comienzos en a primavera, son monoicas y con d'os amentos diferenciatos por o sexo: os masculinos de color amariella palida y d'us 5–10 cm de luengos, os femeninos muit chicoz y de poco no s'amagan de raso a dentro la capaza, nomás que les en amaneixen os estilos por alto, de numer de 1 a 3. O fruito suyo ye l'abillana, que madura 6 u 8 meses dimpués d'a florada, en grupos de 3 u 5 abillanas, cadaguna con d'una capaza (pela) particular de fuellas modificadas que les ne tapa las 3 cuatreras partes.

A producción d'abillanas en Espanya s'aconcentra mas que mas en a provincia de Tarragona, a on que tradicionalment s'heban trobato os numeros mas grans d'hectarias de regano plantadas de las ditas. A localidat tarraconense de Reus se considera lo mas important mercato d'iste producto en o mundo, anque la importación d'abillanas de Turquía, mas baratas, l'ha meso en buens apuros en as zagueras decadas. A producción d'as abillaneras d'Asturias la sigue n'importancia, con un 4 % d'a producción estatal.Entrada "Avellano", Nueva Enciclopedia Larousse, TOMO II, p. 870. Ed. Planeta; Espanya, que por regular yera o tercer país en producción d'abillanas dimpués de Turquía y Italia, s'ha visto superato por Estaus Unius en os anyos 90. Sobre o caultivo de l'avellana en Infoagro.com referents a l'anyada d'o 2001, Apto. "Importancia Económica y Distribución Geográfica", consultato o 9 de chinero de 2008.

O nombre de l'abillana viene d'o latín abellāna (nux), que significa "nuez d'Avella", ixo ye una comuna d'a rechión italiana de Campania.Entrada "Avellana", Nueva Enciclopedia Larousse, TOMO II, p. 869. Ed. Planeta;

Imáchens

Notas

Referencias

Vinclos externos

l'Avellanera Agricultura de l'abellanera Cautivo de l'avellanera

Categoría:Corylus Categoría:Árbols presents en Aragón Categoría:Flora d'os Pireneus