Iste articlo ye sobre un macizo d'o Pireneu. Ta atros Usos se veiga Tres Serols (desambigación).
As Tres Serols Guía de visita del Parque Nacional de Ordesa y Monte Perdido. 2011. .Localment Tres Serors, Tercerors y Treserodes en belsetán. Oficialment Treserols. (en francés Macizo de Monte Perdido o Tres Sorores, en francés Massif du Mont-Perdu) son o macizo calsinoso mas alto d'os Pireneus y d'Europa y fan part d'as sierras interiors pirenencas Julio Muñoz Jiménez, Concepción Sanz Herráiz: Guía Física de España. 5 Las Montañas. Alianza Editorial, 1995, pp 286-288.. O macizo d'as Tres Serols lo forman os picos d'a punta de Tres Serols (3.355 m), que ye o suyo pico de mas altaria, o Mallo de Marmorés (3.328m.), y o pico d'Anyisclo (3.263 m.) dito tamién, iste zaguer, Soum de Ramond. En iste sector se troban 22 cimas de mas de 3.000 m.
Cheografía O macizo d'as Tres Serols fa parte d'o Parque Nacional d'Ordesa y d'as Tres Serols, formato por 4 vals de extraordinaria polideza: Ordesa a lo sud-ueste, Anyisclo a lo sud, Escuaín a lo sud-este y a valle Verde a l'este. Parti d'o macizo s'interna a lo norte en territorio francés, formando parti d'o Parque Nacional d'os Pireneus, destacando a val y circo de Gavarnía (en a comuna de Gavarnía e Gèdra), atro polito circo glacial que en a suya cabecera tien o salto d'augua mas alto d'Europa, con mas de 400 metros de caíta vertical.
En a cara Norte d'as Tres Serols, se i troba un d'os poquez glaciars que siguen existindo en os Pireneus, anque en pando pero contino retacule. Se tracta d'una luenga con muita pendient, que tien un frent d'unos 750 metros y va dende os 2700 a los 3500 metros d'altaria.
Entre os montanyers, a punta d'as Tres Serols goza d'una gran popularidat debito a que ye un tresmil pro fácil d'enrestir. A vía normal de puyata s'efectua dende o refuchio de Góriz (2100 m), a on ye habitual fer nueit, y a canal de "a escopidera", un d'os puntos negros d'o Pireneu a on s'ha amortato muita chent prebando de adubir a tuca.
Iste macizo ye incluso dentro d'a Reserva d'a Biosfera d'Ordesa-Comachibosa declarata por a UNESCO en 1997.
Prencipals cimas left|thumb|200px|A punta d'as Tres Serols ye o pico d'a ezquierda y o d'a dreita ye o Mallo de Marmorés (anvista dende o norte) right|thumb|250px|Punta y glaciar d'as Tres Serols en a cara norte O macizo d'as Tres Serols comprende d'ueste a este as siguients cimas: Mont Perdu.
Cimas occidentals Les Tourettes (2633 m) Os Cabietos, punda de ro Cabieto (3035 m) y Cabieto de ra Buega (3031 m) A punda Negra (3144 m) O Dido d'a Falsa Breca (2944 m) O pico entre as Brecas (2975 m) O pico de Sarradets (2681 m), a o norte d'a muga
Cimas d'o circo de Gavarnía A punda de ro Corral Ciego (3006 m) A punda de ro Faixón (3007 m) A punda de ro Espaldador (3073 m) A punda de ra Ula (3095 m) A repunda de ras Bruixas (3106 m) A punda de ras Crepas (3161 m) O pico Plan de Marmorés (3248 m)
Cimas orientals O Marmorés d'el Cul Chicot (3012 m) O Marmorés d'el Cul Gran (3071 m) A crencha d'o circo d'Estaubé: o pico de Tuca Roya (2819 m), o pico Rouge de Pailla (2779 m), o pico de Pineta (2860 m) y o pico de Pimenèr (2801 m) O Mallo de Marmorés (3325 m) A punta de Tres Serols (3348 m) O pico d'Anyisclo (3257 m) O Mallo de Tormosa (3048 m) O pico de Baudrimont SE (3023 m) A punda de ras Solas (3022 m)
Notas
Referencias
*