Concello (concelho en galaicoportugués; conceyu en astur-leyonés; concejo en castellano y conchello/conchel en mozarabe) provién de lo latín CONCILIUM y puet referirse a:
Una reunión en asemblea u organo deliberativo: Concello ubierto, en Espanya sesión que se fa en publico, convocando-ie a toz los vecins de lo lugar. Concello municipal, organo que por un regular, chunto a l'alcalde, composa una municipalidat u achuntamiento. Una demarcación administrativa: En Espanya: En Asturias y Galicia, Concello ye lo nombre que reciben los municipios u achuntamientos. Se dividen a mes a efectos administrativos en parroquias. En asturiano se'n diz conceyu y en gallego concello. Los concellos existioron tamién en Leyón en tota la Edat Moderna y en Cantabria dica 1822. En Alaba y Navarra, Concejo (en Navarra se deciba en romance navarro concello) ye lo nombre que reciben los lugars que tienen bellacosa d'autonomía dentro un municipio. Lo concepto de concello ye contrario a lo que bi ha en Asturias u Galicia, equivalendo a las parroquias d'ixas rechions de lo Nord-ueste. Se veiga: Concellos de Navarra En Burgos, Concejo u Lugar ye una división que tien lo suyo propio rechidor y fa parte d'un Partido u agrupación de bels Lugares de la Merindad. Cada Merindad (municipio) tien un alcalde. Actualment la denominación Merindades replega lo norte de la provincia de Burgos en Castiella y Leyón. En Portugal, Cabo Verde y Brasil bi ha divisions administrativas similars con lo nombre de concello (Concelho). Atros: Concello de la Mesta (Concejo de la Mesta en castellano), ligallo de pastors y duenyos de bestiar que se reuniban en chunta anualment pa tractar de vendas de bestiar u gubierno economico d'ellos, la chestión de las cabanyeras y pa distinguir y deseparar las ovellas que s'hesen achuntato con las suyas.