Iste articlo ye sobre o río Millars que dende a provincia de Teruel desaugua en a mar Mediterrania; ta o río d'o mesmo nombre afluent d'o río Magre, se veiga Río Millars (río Magre).
O río Millars (en castellano Mijares) ye un río d'a cuenca mediterrania d'a peninsula Iberica que naixe en Lo Castellar, provincia de Teruel (Aragón), en a sierra de Gúdar, a bels 1.600 metros d'altaria. En dirección nord-ueste sud-este, dentra a lo nord-ueste d'o País Valenciano por a comarca de l'Alto Millars, a on se troba l'entibo d'Arenós, pasa por Montanellos, Cirat, Aranyuel, Toga, Torrechiba, Vallat, Fanzara, y s'endreza ta la Plana Baixa por Ribesalbes, a on bi ha l'entibo de Sitjar. Dimpués contina por o termin d'Onda, o d'Almazora, a lo norte, y o de Villa-reyal y Borriana a lo sud. En o suyo zaguer trampo fa de muga entre a Plana Baixa y a Plana Alta y desemboca en a mar Mediterrania entre Almazora y Borriana en Les Goles.
Tien 156 km de longaria, una cuenca de 4.028 km² y un cabal meyano de 14,72 m³/s en Cirat.
Toponimia Claudio Ptolomeu escribió:
En lo diccionario geográfico-histórico de la España antigua dicen:
Talment relacionato con o presunto antigo nombre d'o Millars, en o termin de Murviedro bi heba una alquería en tiempos d'a reconquiesta dita Torrillas.
Atamas d'a identificación d'o Turulis con o Millars que fació Miguel Cortés y López, o Turulis fue identificato con o Guadalaviar.
Vinclos externos
*