L'Alcudia de Veyo (L'Alcúdia de Veo en catalán, La Alcudia de Veo en castellano) ye un municipio d'a provincia de Castellón, situato en a comarca d'a Plana Baixa.
A suya población ye de 212 habitants (2007), en una superficie de 30,7 km² con una densidat de 6,91 hab/km².
Cheografía L'Alcudia de Veyo ye situato a 465 metros d'altaria sobre o livel d'a mar, en a parte sud d'a Sierra d'Espadán, a una distancia de 36 km de Castellón de la Plana, a capital d'a suya provincia, y 80 km de Valencia, a capital d'o País Valenciano. Ye a o canto d'o río Veo.
En o suyo termin municipal bi ha un nuclio principal, L'Alcudia de Veyo, y dos pedanías: Veyo y Benitandús.
Toponimia En la documentación d'o sieglo XIII y siguients amaneix lo toponimo Veyo, Beyo, Enveyo, Beo. Asinas se diz la Val: la Vall de Veyo, Beo y Beyo en 1238, la Vall de Enveyo como mugant con d'Onda en 1246, el lloc de Veyo de la Sierra d'Eslida en 1414. Asinas lo termin Val de Veyo incluiba a lo mesmo Veyo y a los lugars habitatos d'esta Val (Alcudia, Benitandús/Benitandut y Alfara), encara que las primeras alusions d'estos tres zaguers son de 1365. En las Corz de Zaragoza de 1372 bi ha una mención a Veyo en la sección Greuges del General del Regno de Aragón: .
Los lugars de la Val de Veyo prenerían l'apelativo de Veo y con lo tiempo L'Alcudia de Veyo creixería y se faría mes gran que Veyo. Veyo se convertió asinas en una pedanía de l'Alcudia de Veyo.
Luengas y parlas Predomina lo castellano en lo nuclio principal u capital de lo municipio, pero en los atros dos nuclios predomina lo catalán. Lo castellano de L'Alcudia de Veyo ye churro. viespra se diz vespa y la chent viella conserva abundants casos d'una epentesi de Yod debant de vocal de silaba final: safia, chiquio, chiquia, diminutivo iquio, ezt...Este caracter enantes yera mes estendillato en a parla churra y murciana. Entre los aragonesismos conservaus en L'Alcudia de Veyo destaca por la suya fonetica gallarufo. Natividad Nebot Calpe: Vocabulario del Alto Mijares y del Alto Palancia (Castellón), relativo a la vid y al vino, al olivo y aceite, a la harina y al pan. Archivo de Filología Aragonesa, nº XLI, 1988. p 95.
Economía L'actividat economica de L'Alcudia de Veyo ye l'agricultura: oliveras, almendreras u cireseras.
Demografía
Administración Alcaldes Lista d'alcaldes Lechislatura Nombre Partiu politico1979–1983 1983–1987 1987–1991 1991–1995 1995–1999 1999–2003 2003–2007 María Carmen Alós Herrera Partit Socialista del País Valencià-PSOE2007–2011
Molimentos Molimentos civils Castiello de l'Alcudia de Veyo. Castiello de Chinquer. La Nevera.
Molimentos relichiosos Ilesia de Sant Miguel, de lo sieglo XVIII. Ilesia de la Virchen de l'Asumpción, d'estilo barroco. Ilesia de La Virgen de los desamparados, en Benitandús.
Referencias
Vinclos externos
/ Pachina web oficial municipal.
Categoría:Localidaz d'a provincia de Castellón