Montán (Montant en catalán) ye un municipio de la provincia de Castellón, situau en la comarca de l'Alto Millars. La suya población ye de 365 habitants(2017), en una superficie de 34,1 km² con una densidat de población de 10,7 hab/km².
Toponimia Lo toponimo Montán ye anterior a la reconquiesta y a Al-Andalus y se remonta a l'antroponimo latín MONTANUS, igual como Montán en Lugo, El Montán en Asturias, Villamontán de la Valduerna en Leyón, y Montant en Leida. En los textos medievals figura en relación a lo suyo castiello como Castielmontán (1236), Castell Muntan (1264), Castrimontan (1381), en textos latinos, aragoneses, catalans y arabes. En "Historia de Xérica" de Francisco del Vayo y Monzón se puede leyer referencias como Castiel Montán, Castiell Montán y Castell Montán. Encara en un texto eclesiastico de 1667 s'escribe Castellmontant. La primera mención sin referencia a lo castiello ye de 1373 como «Monttan». Rosa Gómez Casañ: Documentación histórica y toponimia del Alto Palancia y del Alto Mijares. Materials de Toponimia (Mestratge en Toponimia. 1990-1991) , València, Denes-Universitat de València-Generalitat Valenciana, 1995, vol. II, pp. 1109-1129.
Mugas Lo suyo termin municipal muga con los termins de Montanechos, Cirat, Torralba, Figueras, Caudiel y Fuent la Reina.
Historia Amaneix en lo segundo Fuero de Daroca como una de las suyas mugas en una epoca cuan Montán encara no yera reconquiesto, manimenos la Comunidat de Daroca nunca no plegó a conquerir-lo.
Fue reconquiesto en 1239, fue atorgau a Pero Ximénez de Valtierra y pasó a depender de lo Reino de Valencia. Montán mantenió la población mudéchar u morisca dica la suya expulsión 1609. Fue repoblada por 28 familias procedents de Provenza. Los monches servitas que los acompanyaban fundoron lo Convento de Montán en 1612.
Luengas y parlas
Actualment en Montán y en la comarca de l'Alto Millars se charra castellano churro. La parla churra s'orichinó por castellanización de l'aragonés que se charró en la Baixa Edat Meya en esta comarca, aragonés traito dende lo sieglo XIII por los repobladors cristianos, que yeran d'orichen predominantment aragonés.
Demografía
Administración Alcaldes
Lista d'alcaldes Lechislatura Nombre Partiu politico1979–1983 Antonio Fornás Tuzón Alianza Popular1983–1987 Antonio Fornás Tuzón Partido Popular1987–1991 Antonio Fornás Tuzón Partido Popular1991–1995 Antonio Fornás Tuzón Partido Popular1995–1999 Antonio Fornás Tuzón Partido Popular1999–2003 Antonio Fornás Tuzón Partido Popular2003–2007 Antonio Fornás Tuzón Partido Popular2007–2011 Antonio Fornás Tuzón Partido Popular2011–2015 Antonio Fornás Tuzón Partido Popular
Referencias
Vinclos externos
Pachina web municipal. Asociación Cultural Conde de Vallterra de Montán.
Categoría:Localidaz d'a provincia de Castellón