A punda de ro Corral Ciego, tamién conoixida como Casco de Marmorés u Casco de Gavarnie (oficialment Punda dero Corral Ziego / El Casco) ye una cima d'os Pireneus d'o macizo d'as Tres Serols, situada en una crencha de picos de mas de 3.000 m. que fa de muga entre Aragón (Val d'Ordesa) y Francia (Circo de Gavarnía), estando incluso tanto en l'aragonés Parque Nacional d'Ordesa y d'as Tres Serols como en o francés Parque Nacional d'os Pireneus.
Chunto con a punta Faixón, os picos d'o Salto d'augua y o pico Plan de Marmorés forma la paret norte d'o circo de Gavarnía, con 1500 m. de deslivel dende o fundo d'a val y an se troba o mayor salto d'augua d'Europa, o salto d'augua de Gavarnía con 425 m. d'altaria.
Rutas Por a parti aragonesa l'amanamiento en vehíclo se fa dica o tascal d'a cal d'Ordesa u dica a val de Buixaruelo, mientres que por a parti francesa se fa dica a estación d'esquí de Gavarnía e Gèdra, que ye a que mas amán nos deixa d'a tuca .
Dende Ordesa se puya primer dica o refuchio de Góriz, (2.190 m., 4 horas y punto crucial ta la exploración de toda a redolada), siguindo dimpués a rota enta la Breca de Rolando dica arribar a la collada entre a punta Faixón y o punta Corral Ciego, dende an s'enresta la tuca. Dende Ordesa se puede arribar a lo mesmo punto puyando por o circo de Cotatuero u por o circo de Carriata.
Dende Gavarnía y dende Buixaruelo se'n puya dica o refuchio francés de Sarradets, puyando dimpués a la Breca de Rolando y rodiando enta l'este a versant sud d'a crencha dica arribar a la collada entre a punta Faixón y a punta Corral Ciego, dende an s'enresta la tuca.
Vinclos externos En Mendikat
Corral Ciego Corral Ciego Corral Ciego Corral Ciego Corral Ciego Corral Ciego Corral Ciego Corral Ciego Categoría:Montanyas de Sobrarbe Corral Ciego