Este articlo tracta sobre la luenga ligur romance, pa atros emplegos se veiga Ligur (desambigación).
Lo ligur ye un idioma romance de lo grupo galoitalico que se charra en la costa nord-ueste d'Italia, Mónegue y en enclaus de Provenza. La variant chenovesa ye una de las millor conoixidas y tenió muita importancia en la baixa Edat Meya a causa de la supremacía comercial de la Republica de Chenova en las costas mediterranias occidentals. Sergio Aprosio: Genova centro di formazione e di irradiazione del vocabolario maritimo nel Mediterraneo occidentale, Miscellanea di studi, 2008. pp 267-278.
Lo lenguache ye en camín de desapareixer, pero encara lo charran muito los agüelos de la zona cheografica que ocupa, a on que i ha una población autoctona de 1.920.848 habitants.
La distribución de lo ligur por Mónegue y Provenza se debe a migracions dende Liguria. Los enclaus de Provenza son Biot y Vallauris-Valàuria, Mons y Escragnolles-Escranhòla, toz resultau de repoblacions feitas en los sieglos XV y XVI en localidaz afectadas por la peste y las guerras civils Pierre Bec: La langue occitane. Presses universitaires de France, 1973. Colection Que sais-je?. p 13.. Las parlas ligurs de Provenza son ditas en occitán figoun.
En la Val de Ròia se charra una parla de transición entre l'occitán vivaro-alpín y o ligur dita royasco, que dende lo punto de vista estructural ye sobre tot ligur, de fueras de la parla de Sospèl, que ye sobre tot vivaro-alpina.
Morfolochía Lo dialecto chenovés tien un articlo definiu sin l- como lo galaicoportugués y la mes gran parte de las parlas de l'aragonés.
Vocabulario La influencia comercial de la Republica de Chenova en la Mediterrania occidental tenió como consecuencia lingüistica que en occitán, catalán y atras luengas entrás un vocabulario d'orichen ligur ligau a l'actividat nautica y los productos comercials maritimos. Son palabras occitanas que plegoron dende lo chenovés carena, libanum, nauchier, aman, y dimpués podeban plegar dica lo catalán. Bel italianismo en aragonés como anchova, carena o churma se remontan a estos tiempos de supremacía comercial chenovesa a traviés de cadenas de transmisión de palabras entre lo ligur y lo catalán.
Referencias
Vinclos externos Chenovés/Ligur en Ethnologue.com GENOVES.com.ar - Luenga y cultura de Liguria, aprender chenovés, literatura ligur con traducción, textos, fotos y mas (la primera pachina bilingüe en chenovés y castellano) ACADÉMIA LIGÙSTICA DO BRENNO (en chenovés) Zeneize: Grafía Oficial y Alfabeto (en chenovés) A Compagna (Chenova) Fonolochía chenovesa (en italiano) Pa aprender chenovés (en italiano)
*