Ta o estau con o mesmo nombre de Estaus Unius, veyer Cheorchia (estau).
A Republica de Cheorchia (en cheorchiano საქართველო, Sakartvelo) ye un país en a costa d'o Mar Negro, a o sud d'o Caucas. Antiga republica d'a Unión Sovietica. Muga con Rusia en o norte y con Turquía, Armenia y Azerbaichán a o sud. A capital d'o país ye a ciudat de Tbilisi.
Etimolochía Os cheorchianos se dan o nombre de kartvelebi (ქართველები) y claman a la suya luenga como kartuli (ქართული). Ixas palabras provienen d'o antipasato mitico d'os cheorchianos, Karthlos, que bi considera como o Pai de Cheorchia. Manimenos, una atra teoría afirma que ixos nombres provienen d'a palabra ქართ- (kart- «lugar fortificato». Hue, sindembargo, ista palabra s'emplega en a forma ქართი, con o significato de «cletato»).
A denominación europea d'o país, Cheorchia, emplegata por a mayor parte d'as lenguas, provién d'a palabra persa Gurji (گرجی), influito por l'arabe Jurj. A pronunciación d'o nombre d'o país a l'occidental provién d'o prefixo griego geōrg- (γεωργ), porque d'antis se pensaba que o nombre de Cheorchia proveneba de Sant Chorche (que ye amás amás o santo protector d'o país). Sindembargo, hue sabemos que realment provién d'o griego antigo γεωργία (geōrgia), que significa agricultura.
Antigament, se clamaba a os habitants de l'actual Cheorchia como ibers, por o nombre d'o país en que habitaban, que yera clamato Iberia, lo que trafucaba a os cheografos d'ixas envueltas, que trafucaban iste territorio con a peninsula iberica. Ye ista revoltina la que fa que bel autor cheorchiano converta a os habitants d'a Peninsula Iberica en descendients d'os ibers d'o Caucas. En realidat, o nombre caucasico d'Iberia provién d'o nombre d'a ciudat cheorchiana de Sper, hue Ispir en Turquía. O toponimo iberia lo trobamos como Iviría en as traduccions aragonesas d'o "Libro d'os Emperadors" (Iviría), y d'o "Libro d'as Marabillas d'o Mundo" de Chuan de Mandevilla:
Gorj, o nombre persa d'os cheorchianos, provién d'a radiz d'as palabras turca Gürcü y rusa Грузин ("Gruzin"). En persa, se clama a Cheorchia como Gurdjistân, Gürcistan en turco y Грузия (Gruziïa) en ruso; tamién גרוזיה (Gruzia) en hebreu. O nombre persa provién posiblement de gorg (lupo), que ye tamién l'orichen d'o sobrenombre d'o rei d'Iberia Vakhtang I d'Iberia u Vakhtang I Gorgassali (cabeza de lupo, porque os antigos consideraban o Gurdjistan como a Tierra d'os lupos.
As denominacions en armenio ta o chentilicio cheorchiano y ta Cheorchia, respectivament Vir y Virq, provienen d'Iberia, con a perda d'a -i- inicial y a substitución de -w- u de -v- por a -b- d'Iberia.
En a traducción herediana de La Flor de las Ystorias d'Orient escriben regno de Iorgie u de Jorgie, (as I y J tienen valor de fonema africato xordo /ch/), mala aragonesización dende un orichinal francés por pareixito con l'antroponimo "Chorche" (l'adaptación correcta hese estau Chorchia), y li dedican o capítol X.
En o "Libro d'as Marabillas d'o Mundo" tamién lo escriben con trazas de Reino de Chorche:
Cheografía Se veiga Cheografía de Cheorchia. En Cheorchia bi ha parte d'as montanyas de mas altaria d'o Caucas: a tercera (Chkhara, de 5.058 m) y a cuatrena (Kazbek, de 5.047.
Organización politico-administrativa Cheorchia ye dividida administrativament en 9 rechions (mkhare (მხარე)), 1 rechión capital y 2 republicas autonomas. Estes a la suya vegada se subdividen en 67 districtos y 5 ciudaz autonomas.
Esporte Os esportistas de Cheorchia compitioron con a equipo d'a URSS dica 1991. Os esportes mes practicatos en Cheorchia son l'aixedrez, l'halterofilia, o fútbol, o rugby y os esportes d'hibierno.
Vinclos externos
Full information about (country) Georgia (english, german, russian, georgian) Georgia TVNews (english, german, russian, georgian)
*