thumb|Casa d'a Villa d'a Zendea de Zizur. Zendea de Zizur (en basco Zizur Zendea, en castellano Zendea de Zizur) ye un municipio de Navarra situau en la comarca de la Cuenca de Pamplona, formando parte de l'Aria Metropolitana de Pamplona, de la merindat de Pamplona y de lo partiu chudicial de Pamplona. Tamién fa parte d'a diocesi de Pamplona.
La suya población ye de 2.543 habitants (2007), en una superficie de 46,5 km² con una densidat de 48,44 hab/km².
Toponimia Encara que se i charrase basco dica la segunda de lo sieglo XIX, bi ha toponimia en castellano que hemos de considerar recient. Ye interesant a presencia d'elementos romances comuns con l'aragonés, en diferents circustancias: Elementos romances asimilatos en una toponimia basca, elementos que hemos de considerar antigos, y que se pueden interpretar como elementos latinos adaptaus a la fonetica basca y cambeyando d'alcuerdo con a evolución de lo basco u como restos de navarro-aragonés: Ezponda Gaña, Ripa Erreca, Parete Gorria, Chunqueri Ondoa, Elementos romances que se remontan clarament a lo romance navarroaragonés: batueco (Agua Batueco), arraclán (Balsa de los Arranclanes), Facería, Plana, Busta, Bustín. Bi ha elementos toponimos romances asociaus a la ganadería y atras actividaz tradicionals que son comuns entre lo castellano y l'aragonés: Nevera, salera. Ye curioso Morisco Bidea ("camín moriago").
Se documenta a castellanización de beluns d'os toponimos bascos u romances antigos: Gozaricoa > Gacharricos dende 1880. Chunqueri Ondoa > Juncal dende 1880. Urritz > Avellanar''.
Demografía
Se veiga tamién Lista de municipios de Navarra.
Bibliografía Jose María Jimeno Jurío. TOPONIMIA DE LA CUENCA DE PAMPLONA. CENDEA DE CIZUR. Bilbao, Real Academia de la Lengua Basca. 1986.
Categoría:Localidaz de Navarra