Pere de Torroja, naixiu de puesto y calendata desconoixida y muerto tamién en puesto y calendata desconoixida, estió un relichioso aragonés perteneixient a lo lichache d'os Torroja, sinyors de Solsona. Plegó a estar bispe de Zaragoza dende 1152 dica 1184.
Estió tamién abat de Vilabertrán y antis de Bispe de Zaragoza con l'aduya d'o suyo parient Guillén de Torroja, primero bispe de Barcelona y dimpués arcebispe de Tarragona (n'una epoca en la que lo bispau de Zaragoza dependeba de l'arcebispau de Tarragona).
Entre las suyas fitas podemos destacar:
Mugó la diocesi de Zaragoza con la d'Albarracín-Segorb, con lo reconoiximiento u confirmación por parte de lo papa Hadrián IV d'unas mugas d'epoca de lo rei visigodo Wamba. Consiguió de lo Papa Alexandre III lo caracter regular de los canonches de la Seu d'o Salvador de Zaragoza. Lo rei Alifonso II d'Aragón cedió en 1175 la Tenencia de Aznar Lagaña (parte de lo Matarranya) a lo bispato de Zaragoza, y Pere de Torroja la subinfeudó a Fortún Robert.
Corz d'Aragón Entre atras autoridaz apareixe en as actas d'as Corz de Zaragoza de 1164 como arcebispe de Zaragoza. Actas d'as Corz de Zaragoza de 1164
Referencias
Categoría:Bispes de Zaragoza