thumb|250px|Ilesia de Santa María de L'Alba
Tàrrega (en castellano Tárrega) ye un municipio catalán situato en la provincia de Leida, capital d'a comarca d'Urchel. A suya población ye de 16.546 habitants (2008), en una superficie de 88,38 km² con una densidat de población de 188,96 hab/km².
Tàrrega ye situata a 373 metros sobre o livel d'a mar, a una distancia de 45 km de Leida. O suyo termin municipal muga con Puigverd d'Agramunt y Ossó de Sió a lo norte; con Els Plans de Sió, Granyanella y Granyena de Segarra a l'este; con Verdú a lo sud y con Vilagrassa, Anglesola, Barbens y Tornabous a l'ueste.
D'o suyo termin municipal fan parte os lugars de Altet, Claravalls, la Figuerosa , Riudovelles , Santa Maria de Montmagastrell, el Talladell y la ciudat de Tàrrega.
Historia Os suyos oríchens estieron en o sieglo XI, en ser conquerito por o conte de Barcelona Remón Berenguer I o suyo castiello.
Dimpués, a suya localización en una rota estratechica empentó o suyo creiximiento. En a Edat Meya, en a villa de Tàrrega bi habió una important comunitat chudieva. En 1242, o rei d'Aragón Chaime I reguló a suya administración municipal, y o rei Chuan II d'Aragón li concedió lo privilechio de celebrar un mercato semanal os luns. Carlos I d'Aragón li concedió lo dreito a emplegar en o escudo d'armas l'alica bicefala, simbolo imperial.
Por a suya propia situación en o camín d'Aragón y Leida ta Igualada y Barcelona, bi habió a sobén presencia de soldatos en as diferents guerras dende o sieglo XIV dica o sieglo XIX: Guerra Civil Catalana, Guerra d'os Segadors, Guerra de Succesión Espanyola, Guerra d'o Francés y Guerras Carlistas.
Demografía
Vinclos externos
Pachina web municipal.
Categoría:Localidaz d'a provincia de Leida