Adam Opel AG (a sobén conoixita como Opel) ye una empresa d'autos d'Alemanya. A companyía fue establita o 21 de chinero de 1862 y prencipió a producción d'autos en 1899. Opel fue adquirita por General Motors en 1929 dica o 6 de marzo de 2017 cuan o grupo francés PSA mercó a marca, estando actualment como una empresa subsidiaria de dita empresa.
A companyía fue establita o 21 de chinero de 1862 por Adam Opel, y en primeras feba mas que mas maquinas de cusir. Adam Opel morió en 1895, cuan a suya empresa yera líder en Europa en producción de maquinas de cusir y produciba mas de 2.000 bicicletas anyalment. Facioron os primers autos en 1898 comprando os dreitos a Lutzmann y vendendo-los como Opel-Lutzmann. Manimenos dos anyadas dimpués se sinyó un nuevo alcuerdo de licencia con Automobiles Darracq S.A. de Francia ta manufacturar vehíclos baixo o nombre d'"Opel-Darracq". Os vehíclos Opel yeran muntatos sobre una carrocería Darracq y movitos por una maquina de 2-celindros.
Ya en 1906 prencipioron a fer autos con disenyo propio, con os mesmos disenyos que heban amostrato en a Feria d'o Motor d'Hamburgo en 1902. En 1907 se fació o zaguer Opel-Darracq.
En 1911 bi habió un incendio y a fabrica se cremó y una atra nueva fue construita con nuevas maquinas. Dende allora se remató a producción de maquinas de cusir y se continó fendo bicicletas, autos y motoretas. En 1913 yera o primer fabricant d'autos d'Alemanya.
Historia Inicios d'a empresa Adam Opel establió a suya fabrica de maquinas de cusir en 1886, en 1887 y siguindo l'eixemplo d'as fabricas de Coventry pasó tamién a fabricar bicicletas. A Adam Opel no le cuacaban os automóbils y cuan morió en 1895, os suyos fillos estioron os que se planteyoron a posibilidat de dentrar en o nuevo negocio debito a la cayita de ventas d'as bicicletas. Asinas mercoron Anhaltische Motorwagenfabrik en 1897. Ubrió as suyas puertas o 21 de chunio de 1899, y en o primer anyo se fabricoron 11 automovils.
En 1900, por diferencias d'opinión entre os Opel y os directivos d'a fabrica adquirita se zarró o departamento d'automóbils. Ta contrarrestar-lo, pasoron a importar Renault y Darracq dende Francia, adquiriendo a licencia de fabricación d'os Darracq (Opel-Darracq). En 1902 se presentó o primer auto 100% propio: un 2 celindros, 10/12PS y 1894 cc. En 1904 amaneixió o suyo primer 4 celindros, y en 1905 un motor ya gran con 6880 cc y 35/40PS. Encara que a base d'a marca yeran os modelos chicoz como "Volksautomobil" y o popular "Doktorwagen".
O periodo d'entreguerras thumb|200px|right|Opel Laubfrosch de 1924. Antis d'a Primera Guerra Mundial, en 1914, a gama ya yera muit ampla y gosaba ufrir dica 100 CV. En 1916 presentan o suyo primer 6 celindros. Con a redota en a guerra, a situación economica alemana empioró, por o que os 6 celindros no teniron exito. A base tornaban a estar os autos asequibles. Debant d'ista situación, Opel decidió que o futuro yera en a producción a ixena d'un coche popular que s'adaptara a la demanda d'o mercato alemán. Asinas en 1924 s'instaló a cadena de producción y prencipió a producir en grans cantidaz o 4 celindros de 951 cc Laubfrosch, que tenió exito a l'inte.
En marzo de 1929 General Motors mercó o 80% d'a companyía incrementando a suya adquisición a o 100% en 1931. A familia Opel s'embolsó $33.3 millons de dolars en a transacción.
L'Opel P4, desarrollato de tot por General Motors prencipió a construir-se en septiembre de 1935 y se comercializó en Alemanya a un precio muit baixo. Tenió una gran aceptación gracias a la suya economía y disenyo vanguardista. Nomás estió dos anyos en o mercato, ya que fue paralizata a suya producción en 1938 cuan s'heban construito 65.864 unidaz. A causa d'a suya fin estió l'aparición d'o Volkswagen (VW), concebito y emparato por o rechimen de Hitler.
En 1935 apareixe l'Olympia, modelo conmemorativo d'os Chuegos Olimpicos de Berlín 36. A l'anyo siguient apareixe o primer Kadett que se converte en l'auto mas vendito d'Alemanya con 107.000 unidades fabricatas dica 1941. Antis d'a Segunda Guerra Mundial o dominio d'Opel en o mercato alemán yera granizo con una cuota d'o 40%.
Opel en Aragón Open ye present en Aragón dende o anyo 1982 cuan prencipió a producción del Opel Corsa en a planta de Figueruelas. Historia y patrimonio Opel.
thumb|250px|Opel Corsa D. thumb|250px|Opel Meriva
Autos actuals ModeloCheneración (anyo)ImachenOpel CorsaA (1982-1993) B (1993-2000) C (2000-2006) D (2006-2014) E (2014-2019) F (2019-)150pxOpel AstraF (1991-1998) G (1998-2004) H (2004-2009) J (2009-2016) K (2016-)150pxOpel InsigniaA (2009-2017) B (2017-)150pxOpel Crossland XA (2017-)150pxOpel Grandland XA (2017-)150pxOpel ComboA (1994-2001) B (2001-2012) C (2012-2018) D (2018-)150pxOpel VivaroA (2002-2015) B (2015-2019) C (2019-)150pxOpel MovanoA (2000-2010) B (2010-)150px
Autos antigos
ModeloSuccesorImachenOpel OlympiaOpel Kadett150pxOpel KapitanOpel Rekord150pxOpel DiplomatOpel Senator150pxOpel RekordOpel Omega150pxOpel CommodoreOpel Ascona150pxOpel AsconaOpel Vectra150pxOpel MonzaNo bi ha150pxOpel MantaOpel Calibra150pxOpel KadettOpel Astra150pxOpel SenatorOpel Omega150pxOpel CampoNo bi ha150pxOpel ArenaOpel Vivaro150pxOpel CalibraOpel Astra Coupé150pxOpel SintraNo bi ha150pxOpel MontereyNo bi ha150pxOpel OmegaNo bi ha150pxOpel SpeedsterOpel GT150pxOpel FronteraOpel Antara150pxOpel GTNo bi ha150pxOpel TigraNo bi ha150pxOpel SignumOpel Insignia150pxOpel VectraOpel Insignia150pxOpel AgilaOpel Karl150pxOpel MerivaOpel Crossland X150pxOpel AntaraOpel Grandland XOpel Ampera No bi ha Opel Karl No bi ha, A (2017-2019)Opel AdamNo bi ha, A (2013-2019)150pxOpel CabrioNo bi ha, A (2013-2019)150pxOpel Zafira Opel Zafira Life, A (1999-2005) B (2005-2011) C (2011-2019)150pxOpel MokkaNo bi ha, A (2013-2019)150px
Referencias
Vinclos externos
Pachina web oficial
*