Buenos Aires (Ciudad de Buenos Aires u Ciudad Autónoma de Buenos Aires oficialment) ye a ciudat capital de l'Archentina, amás d'estar a capital d'a provincia homonima. Con os suyos 3.042.581 habitants en l'anyo 2008, teneba una superficie de 203 km² y una densidat de población de 14.988,08 hab/km². Ye a ciudat mas poblata d'Archentina y, con a suya aria metropolitana, a segunda ciudat d'America d'o Sud.

Buenos Aires ye en una plana en a marguin dreita d'o Río de la Plata, con una longaria de 19,4 km de norte ta sud y una amplaria de 17,9 km d'este ta ueste. A l'este d'a ciudat bi ha una gran plana, clamata plana d'a Pampa, rechión de gran riqueza agricola.

A principal actividat economica local ye o sector d'os servicios u sector terciario; a industria ye o segundo, amás ye un important centro d'actividat cultural, con abundancia de museus, bibliotecas u teatros; ye tamién a seu d'as principals universidats de l'Archentina.

Historia Fundación d'a ciudat Fue fundata o 3 de febrero de 1536 con o nombre de Nuestra Señora del Buen Ayre u Nuestra Señora del Buen Aire por l'espanyol Pedro de Mendoza y fue albandonata en 1541, dimpués de ser enrunata por os indios. Fue atra vez fundata l'11 de chunio de 1580 por Juan de Garay con chents procedents d'o Paraguai y con o nombre de Ciudad de La Santísima Trinidad y Puerto de Santa María del Buen Ayre, depenendo d'o Virreinau d'o Perú, con capital en Lima.

Primeras anyadas d'o Buenos Aires colonial O desarrollo d'a ciudat estió escaso, por estar apartada d'as principals rutas comercials espanyolas, que dende Perú iban ta Panamá y ta Europa, albandonando o sud de l'Oceano Atlantico. Ista situación cambió en 1776, porque se convertió en a capital d'un nuevo virreinau, o Virreinau d'o Río d'a Plata, con a intención d'evitar a expansión portuguesa ta o sud dende Brasil y ta formar un territorio homochenio, que no depenese d'o contrabando con os portugueses de Brasil ta recibir as mercaderías.

Asinas, a ciudat dentró en as rutas comercials, y tamién en as rutas d'o contrabando britanico. Penetroron asinas tamién en o país as ideyas politicas liberals que en ixas calendatas se desarrollaban en Europa y as ideyas d'independencia, impulsatas dimpués con a invasión d'Espanya en 1808 por Napoleón I y con a Guerra d'Independencia espanyola.

As Guerras napoleonicas Mientres as Guerras napoleonicas en Europa, o Gubierno espanyol estió en principio un aliato de Napoleón Bonaparte, en guerra con o Reino Uniu. Ye por ixo que o 27 de chunio de 1806 un Exercito britanico mandato por William Carr Beresford s'apoderó d'a ciudat sin bi trobar cuasi resistencia, porque no bi heba denguna unidat militar organizata. Sindembargo, o 12 d'agosto un exercito espanyol organizato en Montevideo (hue Uruguai) mandato por o francés Jacques de Liniers redotó a os britanicos. En 1807, una expedición britanica mandata por John Whitelocke prenió a ciudat de Montevideo, y o 5 de chulio tentó d'atacar Buenos Aires, encara que fue redotata por as Milicias d'a ciudat, organizatas y mandatas por Liniers.

Como o Gubierno espanyol no podeba enviar-ie tropas, os criollos prenioron concencia d'a suya situación de poder, demandando fer parte tamién d'o poder politico en a colonia, como ya en feban d'o poder militar. Ista situación, amás d'o creiximiento d'as ideyas liberals, estió o chermen d'a clamata Revolución de Mayo (18-25 de mayo de 1810), primer gubierno independient en a historia d'Archentina.

A independencia Con a independencia d'Archentina, a ciudat de Buenos Aires, que ya teneba 40.000 habitants, se convertió en un important centro importador de productos d'orichen britanico, en substituyindo as importacions procedents d'Espanya. Buenos Aires yera o centro politico hechemonico d'a comarca, pero tamién as oligarquías d'atras ciudaz amanatas teneban os suyos propios prochectos politicos.

Asinas, fecioron aparición as tensions con os territorios de l'antigo Virreinau d'o Río d'a Plata, y Archentina dentró en un periodo d'inestabilidat politica.

Climatolochía dreita|thumb|350px|Climograma de Buenos Aires. O clima de Buenos Aires ye templato humido, con una temperatura meya anyal de 17,6 °C y una plebida anyal de 1.147 mm.

O tiempo d'as plevias ye en verano, encara que os días sin sol son mas frecuents en hibierno. As plevias de verano son intensas, en forma de tronadas, con grans cantidaz d'augua caita en poco tiempo. En hibierno, as plevias son mas débils, encara que ternes.

Os veranos son calorosos, con temperaturas meyas en chinero de 24,5 °C; os hibiernos son suaves, con temperatura meya en chunio de 11 °C.

Demografía A población de Buenos Aires habió una important expansión mientres o sieglo XIX y as primeras decadas d'o sieglo XX, con a immigración procedent d'Europa. thumb|center|350px|Evolución demografica d'a ciudat de Buenos Aires.

Esporte O esporte mas popular en Buenos Aires, igual que en tot o país y por dencima de cualsiquier otro, ye o fútbol. Gran parte d'os equipos con mayor historia en a Primera División d'Archentina se troban en ista ciudat, que ye a que tien a mayor concentración de clubs de fútbol d'o mundo con 21, d'os cuals 18 d'éls tienen o suyo propio estadio.

O fútbol Buenos Aires tien a mayor concentración d'equipos d'alto livel entre los cuals s'han de destacar Argentinos Juniors, Boca Juniors, Huracán, River Plate, San Lorenzo, Vélez Sarsfield, All Boys, Atlanta y Ferro Carril Oeste.

Instalacions esportivas 250px|thumb|dreita|O Estadio Monumental. Buenos Aires como capital d'o país y ciudat mas important y gran tien cuasi totas las millors instalacions esportivas d'o país, entre las cuals cal destacar o Centro Nacional de Alto Rendimiento Deportivo con 115.000 m² dedicadas a lo esporte con instalacions pa cuasi toz os esportes, residencias d'atletas y laboratorios antidoping, entre d'atros servicios.

Entre las instalacions futbolisticas cal destacar a Bombonera propiedat d'o Boca Juniors, y O Monumental que tamién tien un polisportivo baixo una d'as suyas tribunas ta esportes d'interior y ye propiedat de River Plate, atro a destacar ye o Estadio José Amalfitani de Vélez Sarsfield. Os de demás clubs de fútbol historicos d'a ciudat que compiten en a Primera División tamién tienen estadio propio.

Pa realizar esportes d'interior la millor instalacions ye lo Luna Park, un lugar polivalent pa realizar competicions esportivas y actividaz culturals con una capacidat de mas de 11.000 espectadors.

Historicament lo Autodromo Oscar y Juan Gálvez ye una d'as instalacions mas importants d'o país pa cursas d'esportes de motor.

Escaicimientos esportivos En l'anyo 1942 a ciudat yera a seu d'a I edición d'os Chuegos Panamericans, pero no se podioron celebrar y se postponioron por a Segunda Guerra Mundial. Dimpués d'o termin d'a guerra estioron organizatos en l'anyo 1951 a I edición d'os Chuegos Panamericans que replegaron mes de 2.500 esportistas de 21 países.

Un anyo dinantes s'organizó en Buenos Aires como a sola siede o I Campionato d'o Mundo de Basketbol organizau por a FIBA, tamién estió una d'as siedes d'o Campionato d'o Mundo de Basketbol de 1990.

A Copa Mundial de Fútbol de 1978, tamién tenió una d'as siedes en a ciudat usando dos d'os suyos estadios: o Estadio José Amalfitani y O Monumental an se chugó la fase final.

Con una gran tradición automobilistica en l'Autodromo Oscar y Juan Gálvez s'organizoron o Gran Premio d'Archentina de Formula 1 en tres periodos, 1953-1960, 1971-1981 y 1995-1998, y o Gran Premio d'Archentina de Motociclismo en os periodos 1961-1963 y 1997-1999 y as anyadas 1982, 1987, 1994, 1995. En o mesmo esporte en os anyos 2009, 2010, 2011 y 2015 a ciudat estió punto d'inicio y finalización d'o Rally Dakar.

Localidaz achirmanatas thumb|right|250px|Ciudat de Buenos Aires. thumb|right|250px| Avenida 5 de mayo, Buenos Aires.

1975: 22px Cádiz (Andalucía). Relación de ciudades hermanadas con Latinoamérica. 1975: 22px Madrit (Espanya). 1975: 22px Montevideo (Uruguai). 1976: 22px Sevilla (Andalucía). 1978: 22px Miami (Estaus Unius). 1982: 22px Caracas (Venezuela). Documento de declaración de hermanamiento entre las capitales latinoamericanas. 1982: 22px Oviedo (Asturias). 1983: 22px Lima (Perú). 1986: 22px Bogotá (Colombia). 1986: 22px Cuzco (Perú). 1986: 22px Brasilia (Brasil). 1987: 22px Guadix (Andalucía). 1989: 22px Domás (Siria). 1990: 22px Belgrado (Serbia). 1990: 22px Rotterdam (Países Baixos). 1990: 22px Nápols (Italia). 1990: 22px Moscú (Rusia). 1990: 22px Tolosa (Occitania). 1990: 22px Osaka (Chapón). 1991: 22px Chenova (Italia). 1991: 22px Beijing (Republica Popular de China). 1991: 22px Santo Domingo (Republica Dominicana). 1992: 22px Bilbau (País Basco). 1992: 22px Vigo (Galicia). 1992: 22px Atenas (Grecia). 1992: 22px Praga (Chequia). 1992: 22px O Caire (Echipto). 1992: 22px Santiago de Chile (Chile). 1992: 22px Seúl (Corea d'o Sud). 1992: 22px Varsovia (Polonia). 1993: 22px Kiev (Ucraina). 1994: 22px Berlín (Alemanya). Texto d'o Combenio d'achirmanament. 1996: 22px Rio de Janeiro (Brasil). 1999: 22px São Paulo (Brasil). 2006: 22px Salamanca (Castiella y Leyón). 2008: 22px Almería (Andalucía). 22px Asunción (Paraguai). 22px Barcelona (Catalunya). 22px Santa Cruz de la Palma (Canarias). 22px Santiago de Compostela (Galicia). 22px Beirut (Liban). 22px Medellín (Colombia). 22px Porto Alegre (Brasil). 22px Ciudat d'o Cabo (Sudafrica). 22px Erevan (Armenia). 22px Istambul (Turquía). 22px Lucca (Italia). 22px Cáller (Cerdenya). 22px Bergamo (Italia). 22px Milán (Italia). 22px Roma (Italia). 22px Cherusalem (Israel). 22px Tel Aviv (Israel). 22px Lisbona (Portugal). 22px Londres (Reino Uniu). 22px Ottawa (Canadá). 22px París (Francia). 22px Quito (Ecuador). 22px Zagreb (Croacia). 22px Ciudat de Mexico (Mexico). thumb|center|800px|Puerto Madero, Buenos Aires.

Referencias

Vinclos externos

AtlasDeBuenosAires.gov.ar (atlas ambiental de Buenos Aires). BUE.gov.ar (turismo en Buenos Aires)]. BuenosAires.gov.ar (portal d'o Gubierno d'a ciudat de Buenos Aires). BuenosAires.gov.ar (camaras en vivo d'a ciudat; transito). Mapa.BuenosAires.gov.ar (información cheografica de Buenos Aires: pachina web oficial con mapas, fotos satelitals y atra información publica).

*