250px|thumb|right|Anvista de Turbón, mont mes visible de lo Prepireneu de Ribagorza por la gran diferencia topografica respecto a la fondatas de Campo y Graus. 250px|thumb|Sierra de Cis Lo Prepireneu ye una part de l'orocheno pirenenco que ye arredol de tot lo Pireneu axial, tenendo menor altaria y uns materials mes recients d'edat mesozoica u cenozoica, deformatos en la orochenia alpina Julio Muñoz Jiménez, Concepción Sanz Herráiz: Guía Física de España. 5 Las Montañas. Alianza Editorial, 1995, pp 283-287..
Lo prepireneu meridional consiste en encabalgamientos y napas tectonicas con verchencia enta lo sud y que la placa euroasiatica empentó y puyó dencima de la placa iberica.
Muitas de las sierras prepirenencas son calsinosas porque representan materials que sedimentoron en plataformas continentals (como las calsineras de Guara).
En cualques puestos bi ha sierras prepirenencas exteriors en contacto con lo semontano pirenenco y sierras prepirenencas interiors, en contacto con lo Pireneu axial. En bel libro de cheografía dicen Prepireneu només que a las sierras exteriors, en oposición a los Pireneus que los constituirían las sierras interiors y lo Pireneu axial.
Sierras prepirenencas interiors 250px|thumb|right|Anvista de Cotiella dende la Val de Vio.
En l'Alto Aragón son sobre tot rocas calsinosas (calsineras, dolomías y arenitas con components calsinosos no siempre clasificables como "piedra panal"), d'edaz entre lo Cretacio superior y lo Eoceno. Las sierras prepirenencas interiors tienen las altarias mayors en las napas de Cotiella (2.912 m) y las Tres Serols (3.355 m), competindo en altaria con lo Pireneu Axial.
Depresión meya intrapirenenca
250px|thumb|right|La localidat de Berdún se troba en un pueyo alomato que destaca topograficament respecto a los sallagons de la depresión meya intrapirenenca. Entre las sierras interiors y exteriors bi ha a vegatas individualizata una depresión (depresión meya intrapirenenca), representata en la Chacetania por la Canal de Berdún, en Sobrarbe por la Ribera de Fiscal y la suya prolongación por l'Ara ta Boltanya y L'Ainsa, y en Ribagorza por la fondata u depresión de Campo. La edat de los materials ye entre lo Eoceno y l'Oligoceno.
Las altarias mes grans d'esta depresión se troban en lo flysch representato en la marguin septentrional plegando dica poco mes de 2000 m, Ánchel Belmonte Ribas, Guía geológica del Pirineo, Editorial Pirineo, 2003. en contacto con sierras de calsinera.
Sierras prepirenencas exteriors 250px|thumb|right|Anvista de la Sierra de Guara.
Tienen altarias menors. Son sierras con materials cenozoicos molasicos. Ixos materials molasicos pueden tener un modelato en forma de mallo. La Sierra de Guara ye un eixemplo de sierra prepirenenca. Bi ha rocas de diferents edaz: chesos de facies Keuper de lo Triasico, calsineras de lo Cretacio, calsineras y sallagons de lo Eoceno, piedras panals y archilas de lo Eoceno superior y l'Oligoceno inferior, y conglomeratos de l'Oligoceno superior y lo Mioceno inferior.
Referencias
Bibliografía Ánchel Belmonte Ribas: Guía geológica del Pirineo, Editorial Pirineo, 2003. Julio Muñoz Jiménez, Concepción Sanz Herráiz: Guía Física de España. 5 Las Montañas. Alianza Editorial, 1995.
*