Lo Monesterio d'Irach (Iratxe en basco y Irache en castellano) ye un conchunto monesterial situato en Aiegi (Navarra) que establiu en lo sieglo VIII y lo rechentoron los monches benedictinos.
Ye a lo piet de Montejurra, a o canto de lo Camín de Sant Chaime a man d'Estella, y lo forma un conchunto d'edificios que s'han ito anyadindo a traviés de lo tiempo, por ixo son de diferens estilos y uno de los conchuntos monumentals mes important de Navarra. I destacan la ilesia romanica de lo sieglo XII lo claustro plateresco y la torre herreriana.
Los primers documentos que fan referencia a Irach datan de l'anyo 958. La suya situación a lo costato de lo camín de Sant Chaime y la fundación d'un hespital chacobeu, lo primero de Navarra, por orden de García Sánchiz III, lo de Nachera, li dio la suya relevancia a principios de lo sieglo XI.
En lo sieglo XVI s'adhibió a la congregación benedictina de Valladolit tornando a prener part de l'antigo explendor suyo, y ye allora cuan se construye lo claustro y puerta d'acceso dende la ilesia. En lo sieglo XVII se construyió atro claustro, lo claustro nuevo, y la torre.
En lo monesterio d'Irach s'escribioron textos en romance navarro que forman una important colección de documentos medievals.
Galería d'imáchens
Vinclos externos
Categoría:Monesterios d'a merindat d'Estella Irach Categoría:Monesterios benedictinos