Samianigo Alto (en castellano Sabiñánigo Alto) ye un barrio de Samianigo. Estió l'antigo nuclio prencipal d'iste lugar chunto con lo vecín Samianigo Baixo, dica lo sieglo XX, anque con a plegata d'o ferrocarril ta la ciudat, Samianigo s'estendilló a l'atro canto d'a vía.
Se troba a 798 metros d'altaria, en a Val Estrecha chunto a lo barranco de Fondanito u l'Abate. Belunas d'as suyas casas encara conservan caracteristicas tipicas de l'arquitectura tradicional sarrablesa: chamineras tronconicas, puertas adintelatas u finestras conopials, eixemplos son casa Roldán y casa Bergua u l'antiga abadía que conserva una puerta conopial de 1589 y una finestra de 1605.
Teneba 12 fuegos a la fin d'o sieglo XV. A meyatos d'o sieglo XIX yeran 24 los vecins chunto con Samianigo Baixo.
Categoría:Lugars de Samianigo Categoría:Lugars d'a provincia de Uesca Categoría:Localidaz d'a diocesi de Chaca en l'Alto Galligo