Sant Miguel Arcánchel (en hebreu מיכאל Mîkhā’ēl, "Qui como Dios?"; en griego Μιχαήλ Mikhaíl; en latín Michael; en grabe ميكائيل, Mikha'il) ye seguntes la tradición cristiana y chudieva lo cabo de los exercitos celestials y, por tanto, principe de los ánchels.
Pa los hebreus ye lo protector d'Israel y patrón de la sinoga, manimenos los cristianos lo consideran como patrón y protector de la Ilesia Universal y primero de los siet arcánchels, virrei de lo cielo, acompanyant de las almas en la eternidat y vencedor de Lucifer. Por este feito en l'arte lo representan como un ánchel con una armadura de cheneral romano amenazando con una espada u lanza a un dragón u a lo diaple. En a simbolochía cristiana, ye important o suyo papel en o Chudicio Final, exercindo un papel pareixiu a lo papel de bellas divinidaz en atras relichions, como Toth en l'Antigo Echipto. O culto a sant Miguel Arcánchel parixe que naixió en a Ilesia Copta en Echipto arredol d'o sieglo I y fácil que en ixas envueltas se producise un sincretismo con as creencias d'a mitolochía echipciana respective d'a psicostasi. San Miguel, del románico al barroco, a través de la colección del Museo Diocesano de Barbastro-Monzón, en a pachina web d'o Museu Diocesano de Balbastro-Monzón.
Seguntes la tradición cristiana, l'arcánchel li s'apareixió a santa Chuana d'Arco, a santa Margalida, y tamién lo 13 d'octubre de 1884 a lo Papa León XII, qui tenió la experiencia de veyer a Satanás y los suyos diaples desafiando a Dios y como sant Miguel y los suyos exercitos amanixioron pa esclafar y chitar ta l'infierno a las tropas infernals.
Bi ha muitas representacions artisticas con l'arcánchel Miguel, destacando-ne una estatua de bronce en lo cabalto de lo castiello de Sant'Angelo de Roma. Amés ye lo santo patrón de muitismas poblacions y lugars.
La suya fiesta ye lo 29 de setiembre. En idioma aragonés l'agüerro se diz tamién "Sanmigalada" por ixe día. En a Baixa Edat Meya la confrairía de pelaires de Teruel se refundó baixo l'advocación de sant Miguel Arcánchel. Maria Isabel Falcón Pérez: La industria textil en Teruel a finales de la Edad Media. Aragón en la Edad Media.
Lugars que celebran Sant Miguel Arcánchel en Aragón right|thumb|250px|Retablo en a ilesia de San Miguel d'os Navarros en Zaragoza. Aineto (Alto Galligo, Uesca). Alacón (Andorra-Sierra d'Arcos, Teruel). Alastuei (Chacetania, Uesca). Albalat de Cinca (Cinca Meya, Uesca). Alcalá d'o Bispe (Plana de Uesca). Arguis (Plana de Uesca, Uesca). Belmont de Gracián (Comunidat de Calatayú, Zaragoza). Biota (Cinco Villas, Zaragoza). Bubierca (Comunidat de Calatayú, Zaragoza). Buerba (Sobrarbe, Uesca). Cabra de Mora (Gúdar-Chabalambre, Teruel). Castiello de Chaca (Chacetania, Uesca). Cunchiellos (Tarazona y Moncayo, Zaragoza). Fuents d'Ebro (Zaragoza, Zaragoza). Fuents de Rubielos (Gúdar-Chabalambre, Teruel). Grisén (Ribera Alta de l'Ebro, Zaragoza). Linars de Broto (Sobrarbe, Uesca). Mezalocha (Campo de Carinyena, Zaragoza). Santa Cruz de Nogueras (Xiloca, Teruel). Senegüé (Alto Galligo, Uesca). Sodeto (Abargüela de Tubo, Monegros, Uesca). Talamantes (Campo de Borcha, Zaragoza). Torrociella d'Alcanyiz (Baixo Aragón, Teruel). Torres d'Albarracín (Sierra d'Albarracín, Teruel). Torrillas (Gúdar-Chabalambre, Teruel). Tramacastiel (Comunidat de Teruel, Teruel). Val Chunquera (Matarranya, Teruel). Val Farta (Monegros, Uesca). Vicién (Plana de Uesca, Uesca). Vistabella (Campo de Carinyena, Zaragoza). Viú de Linars (Sobrarbe, Uesca).
Vinclos externos
Referencias
*