L'aragonés de Valle de Puértolas ye la parla aragonesa que se charra en a valle de Puértolas.
Fonetica Como en belsetán, bi ha una -e dezaga de grupos consonanticos implosivos: cuatre.
En Bestué i heba enantes una -e paragochica como en chistabín de Chistén y se deciba Bestuere.
Conserva bien o fonema -x- y, como en l'Alto Aragón oriental, ixa -x- va acompanyata d'una -i:
Bi ha bels casos de perdua de -o final, y no nomás que dezaga -n como ye habitual en altras parlas, si que como se fa en chistabín y belsetán, tamién zaga de -c y -l:
Suc, camín, follín, lamín, cul, pel, truc, buc (i coexiste con «buco»).
Tamién zaga de -y-: Papirroi, galterroi, respitai, me feba goi.
Y tamién zaga de -ll: Castiel, ocasional en chunto con «castiello» Gotiel (o güitiello con a fuella ampla d'os carnicers) que deriva de güitiello.
Bi ha casos de conservación d'as oclusivas xordas intervocalicas latinas: baranato (documentato por Elcock).
Morfolochía L'articlo ye o, os, a, as, pero como tamién pasa per a valle de Vio y la de Tella, se i emplega «es» tamién, ta os masculinos plurals.
En as combinacions de pronombres febles de dativo y acusativo ye documentato l'orden propio de l'aragonés de valle de Vio, cheso y bels textos medievals coincident con l'occitán: as me dejón ferFuellas nº 68, p 21. (Bestué)
Morfolochía verbal As primeras personas d'os pasatos imperfectos d'indicativo rematan en -abe, -ebe, -ibe: puyabe, metebe, ubribe.
Seguntes un testimonio dubdoso replegato por Francho Nagore, en Castiflorit i documentó un condicional en -areba, -ereba, -iriba, que emplegaban uns pastors transhumants que dimanaban d'esta val.
Referencia
Puértolas Categoría:Puértolas