Iste articlo tracta sobre a Comunidat Autonoma d'o País Basco. Ta atros emplegos se veiga País Basco (desambigación).
O País Basco u Euskadi ye una Comunidat Autonoma d'Espanya situata en o norte d'a Peninsula Iberica, que muga a lo norte con o mar Cantabrico y Francia, a lo sud con La Rioja y Castiella y Leyón, a l'ueste con Cantabria y a l'este con a Comunidat Foral de Navarra; estando una d'as nacionalidaz historicas reconoixitas por a Constitución Espanyola. Se divide en os territorios historicos d'Alaba, Guipuzcua y Bizcaya, tien una amplaria total de 7.234 km² y una población de 2.184.606 habitants (datos Eudel, chinero de 2011), con una densidat de población de 300,3 hab/km². A suya capital administrativa ye Vitoria, en Alaba, a on se i troban as seus d'o Parlamento y o Gubierno Basco.
O nombre de País Basco u Euskal Herria tamién replega atra acepción, que ye una rechión socio-cultural situada a las dos vesants d'os Pireneus atlanticos ocupando os territorios de Bizcaya, Guipuzcua, Alaba y Navarra en Espanya, y de Sola, Ultrapuertos y Labort en Francia, dita Euskal Herria («Pueblo Basco») en basco.
A exprisión País Basco francés s'emplega ta sinyalar a parti basca d'o departamento francés de Pireneus Atlanticos (Sola, Ultrapuertos y Labort).
Provincias Alaba (Álava en castellano, Araba en basco); capital: Vitoria (Vitoria en castellano, Gasteiz en basco). Guipuzcua (Guipúzcoa en castellano, Gipuzkoa en basco); capital: Sant Sabastián (San Sebastián en castellano, Donostia en basco). Bizcaya (Bizcaya en castellano, Bizkaia en basco); capital: Bilbau (Bilbo en basco).
Vinclos d'intrés Euskal Herria. Idioma basco. Euskaltzaindia. Wikipedia en basco.
Referencias
*