Donostialdea ye una comarca d'o País Basco situata en Guipuzcua. A comarca ye formata por as poblacions que se troban a mán d'a ciudat de Sant Sabastián, prencipal ciudat y capital d'a provincia de Guipuzcua, formando un aria metropolitana de bels 315.000 habitants.
Tien una amplaria de 305,72 km². Se troba situata en a parti nord-este d'a provincia de Guipuzcua, en a parti baixa d'as cuencas d'os ríos Urumea, Oyarzun y Oria, anque no la desembocadura d'iste zaguero. Muga por l'este con a comarca d'a Baixa Bidasoa, por o sud-este con Navarra (comarcas d'as Cinco Villas y val de l'Urumea), por o sud con Tolosaldea y por l'ueste con Urola Costa. Por o norte muga con a mar Cantabrica.
A comarca gosa dividir-se en tres parzanas:
Oarsoaldea: a parti mas oriental d'a comarca; con os municipios situatos en a val d'o río Oyarzun y la comarca d'a badía de Pasaia: Lezon, Oyarzun, Pasaia y La Rentería. Prene o suyo nombre d'Oarso, l'antigo nombre tanto d'a val como d'a badía de Pasaia. Buruntzaldea: a parti mas occidental d'a comarca; con os municipios situatos en as vals d'os ríos Oria y Urumea: Andoain, Astigarraga, Hernani, Lasarte-Oria, Urnieta y Usurbil. Prene o suyo nombre d'o mont Buruntza, situato entre as dos vals y cuasi a la mesma distancia d'as tres prencipals localidaz: Andoain, Hernani y Lasarte-Oria. A ciudat de Sant Sabastián.
Donostialdea