Pedro Cuenco Caraballo, naixiu de Zaragoza (Comarca Central, Aragón) o 10 d'octubre de 1927 y falleixiu en ixa mesma ciudat l'11 de mayo de 2006, estió un relichioso escolapio y filologo aragonés.

Poliglota, dominaba lo castellano, l'anglés, o francés, l'alemán, o chaponés, l'italiano, o ruso, l'aragonés y lo catalán, amás de luengas clasicas como lo latín, lo griego y l'hebreu biblico, y conoixeba muitas atras luengas. Antiparte, teneba diplomaturas en anglés y catalán.

Dimpués d'haber estau ordenau diacono con os escolapios, adedicó la suya vida a l'amostranza, primero en Daroca (1949-1951) y dimpués en Irache y Albelda (1951-1956) y en Logronyo, a on que impartiba Latín, griego, Literatura, Historia, Arte, francés, anglés y Filosofía.

Respective a la suya formación academica, en 1954 consiguió la Licenciatura en Filosofía y Letras (sección de Filolochía Romanica) por a Universidat Complutense de Madrit, doctorando-se en la mesma especialidat por la Universidat d'Oviedo. En 1971, en la Universidat de Valencia, obtenió l'especialidat de Metodolochia Audiovisual de Luengas Modernas y en 1975 la diplomatura en Hebreu Biblico, por l'Instituto Internacional de Luengas, con residencia en Aranchuez. En 1979 lo destinoron enta Zaragoza (enta l'escuela d'Escuelas Pías, en la carrera Conde d'Aranda) alternando las clases allí con las de mayestro en la Escuela Universitaria d'Amostranza "Virchen d'o Pilar", impartindo-ie las materias de francés, anglés, Filolochía Hispanica y aragonés.

Por o suyo perfecto dominio de l'anglés asumió lo cargo d'auxiliar d'o capellán de la Base Aeria Americana de Zaragoza dende 1982 dica 1992.

Entre 1993 y 2001 estió postrau por una malautía, pero se refizo y s'en fue enta la India, a on i treballó como mosen calasancio, adscrito a la misión d'a provincia escolapia d'Archentina en Kanyakumari y Bangalore con os futuros postulants y teologos escolapios indios.

Tornó enta Zaragoza l'11 de mayo de 2006, a on i morió 6 días dimpués.

A suya faceta de lingüista Amás de dominar las luengas modernas y clasicas debantditas, Pedro Recuenco estió un gran estudioso y conoixedor d'as luengas suahili, indi y malayalam, idioma d'o cual que heba feito un diccionario espanyol-malayalam (no publicau). Tamién teneba ya bel treballo abanzau sobre un atro diccionario hindi-espanyol. O suyos conoiximientos de ruso li permitioron de fer una tradución enta l'espanyol de Brátya Karamázovy.

Estioron muitos os treballos publicaus como traductor d'articlos y libros, muitos d'istos d'a editorial Verbo Divino, tanto de l'alemán, como de l'anglés y lo francés.

Como gran humanista que yera, atra de sus facetas como investigador estió la d'os suyos estudios sobre la luenga aragonesa. Asinas, dende 1979 dica 1992 impartió clases de Luenga Aragonesa. Una luenga, l'aragonés, a la que atorgaba (dende lo suyo punto de vista d'experto lingüista) un puesto predominant y preeminent en l'orichen de luengas semellants, como l'occitán y lo catalán, en considerar l'aragonés como anterior a éls y nuclio fundacional d'os mesmos. Fruito d'iste important treballo d'investigación sobre l'aragonés ye la suya crucial y encara no superada obra de gramatica aragonesa: Conchugazión y pronombres febles de l´aragones (229 verbos aragoneses conchugados) editada en 1992 por l'asociación cultural Ligallo de Fablans de l'Aragonés, con l'aduya d'o Gubierno de Aragón. Una obra muit important, porque, como lo propio Recuenco deciba en lo prologo d'o suyo libro, ye la conchugación l'aspecto mas difícil d'a gramatica cuan se charra u s'escribe.

Atra d'as suyas grans iniciativas estió la traducción d'o Nuevo Testamento enta l'aragonés, que fue publicada postumament en l'anyo 2008.El Ebanchelio, seguntes San Chuan, Heraldo de Aragón.

Libros publicaus

Traduccions

Notas

Vinclos externos Deputación Cheneral d'Aragón. Pachina oficial d'os Escolapios. Pachina d'os Escolapios en Aragón. Ligallo de Fablans de l'Aragonés. Editorial Verbo Divino.

Categoría:Escolapios Categoría:Escritors d'Aragón Categoría:Escritors en aragonés Categoría:Filologos d'Aragón Categoría:Licenciaus en Filosofía y Letras Categoría:Mosens d'Aragón Categoría:Muertos en Zaragoza Categoría:Naixius de Zaragoza Categoría:1927 (naixencias) Categoría:2006 (muertes)