Azerbaichán (en azerín Azərbaycan) ye un país d'Asia situato a lo sud de lo Caucas y a l'ueste-sud-ueste de la Mar Caspia. Actualment fa parti d'a Comunidat d'Estatos Independients. No tiene salida a garra oceano encara que limita a lo este con o mar Caspia, a lo norte con Rusia, a lo nord-ueste con Cheorchia, a lo ueste con Armenia y a lo sud con Irán. Lo exclave de Najicheván limita a lo norte y a lo este con Armenia, con Turquía a lo ueste y con Irán a lo sud-ueste.

Mugas Muga a lo norte con Rusia, a l'ueste con Cheorchia, a lo sud-ueste con Armenia y a lo sud con Irán. Bi ha un enclau clamato Naxçıvan u Nakhchivan situato entre Armenia y Irán.

Etimolochía O toponimo Azerbaichán d'as luengas actuals provién de l'antigo Atropatene, nombre antigo d'un territorio correspondient a l'Azerbaichán iraní. O toponimo orichinal ha sufrito diferents modificacions pasando a traviés d'as luengas de cultura d'a rechión: as fases propias d'as luengas iranicas, l'arabe y as luengas turquicas.

Historia Cuan la Revolución Rusa remató con lo rechimen zarista ruso, lo territorio de l'Imperio Ruso a lo sud de lo Caucas formó la republica de Transcaucasia. Pero como i heba diferencia d'intreses entre los diferents pueblos, sobretot en un tiempo de guerra contra los nacionalistas turcos d'Anatolia, los azerins, que yeran tamién musulmans y d'orichen turquico estioron los primers que se deseparoron, fundando a republica d'Azerbaichán. Los nacionalistas azerins colabororon con los rechimens nacionalistas turcos en o Chenocidio armenio.

Cuan los exercitos zaristas empecipioron a perder la guerra civil, l'Exercito Royo Sovietico abanzó enta lo sud, plegando ta lo Caucas y ta Azerbaichán. Los bolchebiques sovietizoron la republica d'Azerbaichán y dende alavez fació parte de la URSS dica la suya independencia en 1991.

Dimpués d'independizar-se esta republica, de mayoría turca azerina y musulmana y on s'han feito historicament mortaleras d'armenios, los armenios de l'Alto Karabakh s'independizoron y ocuporon tamién un corredor entre Karabag y Armenia con a conoixida como Primera guerra de l'Alto Karabakh y ocasionando continos enfrontinamientos entre los dos países per la disputa d'este territorio conoixius como Conflicto de l'Alto Karabakh, as mugas continaron mas u menos estables dica a Segunda guerra de l'Alto Karabakh en 2020, cuan en a suya finalización y con o reafirme de Rusia, se sinya un alto al fuego y s'estableixen nuevas mugas con o control d'o corredor entre Karabaj y Armenia por parte de Rusia.

Organización territorial A orgabización administrativa d'Azerbaichán ye formada en o suyo primer livel por 67 districtos (amás d'11 ciudaz no adscritas a garra districto). Dende 2021, amás, se creyoron as clamadas "rechions economicas", con un total de 14.

D'atra banda, bi ha un territorio autonomo, la Republica Autonoma de Nakhchivan, que divide lo suyo territorio en siet districtos.

Esporte Categoría principal: Esporte en Azerbaichán.

thumb|250px| Namig Abdullayev, campión olimpico en luita libre. A suya participación internacional ye recient, porque dica 1991 perteneixeba a la URSS y os esportistas azerbaichanos partecipaban con os equipos d'iste país. Os esportes mes practicatos son l'aixedrez, con a figura de Gary Kasparov como referent, l'halterofilia y a luita. Tamién o fútbol y o fútbol sala son populars.

Azerbaichán en os Chuegos Olimpicos 50px en os Chuegos Olimpicos. Categoría principal: :Categoría:Azerbaichán en os Chuegos Olimpicos.

Lo Comité Olimpico Nacional d'Azerbaichán estió creau en l'anyo 1993 y estió reconoixiu per lo Comité Olimpico Internacional un anyo dimpués en 1993.

Ha teniu representación ininterrompidament en os Chuegos Olimpicos dende os de Atlanta 1996 dica l'actualidat en os que ha conseguiu 56 medallas en as edicions d'os chuegos de verano: 9 d'oro, 16 d'archent y 31 de bronce. Azerbaichán en os Chuegos Olimpicos seguntes Olympedia.

Bibliografía Sanders, A.. Kaukasien. Nordkaukasien, Aserbaidschan, Armenien, Georgien. Geschichtlicher Umriss, München, 1944. Swietochowski, Tadeusz. Russian Azerbaijan, 1905-1920. The Shaping of National Identity in a muslim community, Cambridge University Press, 1985. Zürrer, Werner. Kaukasien 1918-1921. Der Kampf der Großmächte um die Landbrücke zwischen Schwarzem und Kaspischem Meer, Düsseldorf, 1978.

Referencias

*