O malayo (Bahasa Melayu, en malayo) ye una luenga austronesia charrada en a península de Malaca, en Filipinas, o sud de Tailandia, Singapur y una miqueta en Sumatra.
O malayo ye orichinario de zonas d'o centro y este de Sumatra, (a on que yeran as ciudaz de Malayu y de Srivichaya, habitadas por os malayos). Srivichaya estió o centro d'una veritable talasocracia, o que fizo que a luenga malaya esdevenís una lingua franca de relacions comercials y de relacions interetnicas en a zona entre a Peninsula de Malaca y Indonesia y s'ixemenás muito. O malayo ye oficial en Malaisia, Brunei y Singapur y en Indonesia con o nombre d'indonesio, una variedat estandardizada propia d'este estau.
Lexicolochía d'o malayo O malayo tien ampres d'atras luengas como o sanscrito, l'arabe, o portugués y l'anglés.
Bahasa - Luenga (d'o sanscrito) Buku - Libro (de l'anglés, book) Duina - Mundo (de l'arabe, Dunya) Komputer - Computadera (de l'anglés, computer) Sains - Ciencia (de l'anglés, Science) Lampu - Lampa (de l'anglés, lamp) Bola - Pilota (de l'anglés, ball) Minda - Esmo (de l'anglés, mind) Cek - Cheque (de l'anglés, cheque) Bas - Autobús (de l'anglés, bus) Teksi - Tasis (de l'anglés, tasis)
Lusismos en malayo
L'antiga presencia colonial d'os portugueses en a "Malaca portuguesa" trayó lusismos: Gereja - ilesia|Iglesia (d'o portugués, Gereja) Keju - Queso (d'o portugués, Queijo) Limau - Limón (d'o portugués, Limão)
A la vegada, muitas parolas malayas arriboron a las luengas occidentals como o francés a traviés d'o portugués: Adolphe Hatzfeld et al.: Dictionnaire général (1890-1900). Traité de la formation de la langue. Paris, Delagrave, 1890. achards, calambac, jambose, jonque, mandarin, mangoustan, prao, sagou, etcetera.
Se suposa que a denominación d'o primate Pongo en anglés (orangutan) ha estau transmesa dende o malayo por o portugués por no haber-ie h y por o cambio n > -ng.
Referencias
Bibliografía Adolphe Hatzfeld et al.: Dictionnaire général (1890-1900). Traité de la formation de la langue. Paris, Delagrave, 1890.
Vinclos externos Aquí charran d'o malayo Información d'o Malayo
*