Roldán, historicament, estió un comandant d'os francos a lo servicio de Carlos Magno muerto en a batalla de Roncesvals o 15 d'agosto de 778.
Roldán yera sobrín de Carlos Magno (fillo de donya Chisela de Francia, chermana de Carlos Magno).
A lechenda ha bordato la suya historia en o relato epico d'o noble cristiano muerto por fuerzas islamicas, que fa part d'a tematica d'a Francia medieval. O escayeixer de Roldán se narra en a Canción de Roldán, un poema encara no bien calendato de tot, pero que se crei que ye de entre o 1086 y o 1104. Seguntes esta canción Roldán ye armato con un olifant y una espata dita Durendart. En a canción puet veyer-se una notable propaganda enta o cristianismo d'as Cruzatas, amostrando-se a postura d'a epoca, que o cristianismo ye a verdat y o islam ye a error. Pueden descubrir-se-ie tamién ciertas intertextualidaz entre a obra y a Biblia, comparando, por eixemplo, a muerte santa de Roldán con o martirio de Cristo.
Cuantas lechendas sitúan lo suyo enrueno en en diversos puestos. Una narra que Roldán y los suyos companyers Oliveros y lo bispe Turpín, prencipals personaches d'a Canción de Roldán, estioron enronaus en a suya basilica, consagrada a Sant Román, que yera en o puesto de l'actual ciudadela y que los suyos restas son visibles encara en l'actualidat. Cf. Gustave Lanson y Pierre Tuffrau, Historia de la literatura francesa, Barcelona: Lábor S. A., 1954, p. 4. Otra version sitúa lo suyo enrueno en la actual capiella de Sancti Spiritus situada en Roncesvals y conoixida comunment como lo silo de Carlomagno, an estioron enronaus beluns d'os guerrers francos que suposadament murioron en a Batalla de Roncesvals. El templo de una localidad muy conocida de Navarra donde está enterrado un importante guerrero galo. En busca de los caballeros del Cid francés en Roncesvalles: el Silo con miles de muertos.
En Orlando, una historia posterior d'un personache muito popular en verso italiano, sobretot en o sieglo XVI leva a la epica Orlando furioso, de Ludovico Ariosto, como continación de l' Orlando enamorato, de Boiardo.
Roldán en as mitolochías pirenencas Este personache ha estato rodeyato dende fa sieglos por un aura mitolochica, y recollito en as mitolochías pirenencas. Por ixo podemos trobar en os Pireneus entre Roncesvals y Mezkiritz os clamatos Pasos de Roldán, en a costa debant d'Hendaya as Rocas de Roldán, suposatament chitatas por él dende as Penyas de Aia (Aiako Harria) u a Breca de Roldán, en o Parque Nacional de Ordesa y d'as Tres Serols. En a mitolochía catalana ha fosilizato como Rotllà u Rotlà, un chigant que luita contra os sarracins.
Se veiga tamién Palacín. Canción de Roldán. Breca de Roldán.
Referencias
Vinclos externos
Categoría:Imperio Carolinchio Categoría:Ciclo carolinchio Categoría:Mitolochías pirenencas Categoría:778 (muertes) Categoría:Francos