thumb|300px|right|Mapa d'as principals placas tectonicas d'a Tierra.
Placa tectónica u Placa litosférica ye un fragmento de litosfera que se desplaza como un bloque tierco sin presentar deformación interna sobre l'astenosfera d'a Tierra.
A tectonica de placas ye a teoría que explica d'una traza coderent a estructura, historia y dinamica d'a superficie d'a Tierra. Seguntes esta teoría a litosfera (a parte superior mes frida y tierca d'a Tierra) ye fragmentata en una serie de placas d'a mesma traza que recholas que se desplazan sobre a parte mes fluyida d'o manto, dita astenosfera. Bi ha 12 grans placas y bellas placas menors u microplacas. En as marguins d'as placas se concentra actividat sismica, volcanica y tectonica por haber-ie diferents tipos contacto entre placas que se mueven (converchents, diverchents y transformants). Esto fa que se formen grans cordeleras y cuencas.
Contactos entre placas Os diferents tipos contactos entre placas se clasifican d'alcuerdo con o movimiento relativo que se i produce. Entre dos placas no siempre lo contacto será o mesmo en tota a longaria en a que mugan. Os tipos son: Contactos diverchents u constructivos: as dos placas se deseparan y se creya litosfera nueva en o espacio vueito que deixan. Dorsal centro-oceanica: as dos placas que se deseparan son de crosta oceanica producindo-se l'ixamplamiento d'o fondón oceanico. Rift intra-continental: as dos placas que se deseparan son de crosta continental. Contactos converchents u destructivos: se produce una aproximación entre as dos placas y una d'as dos queda debaixo. Subducción: una placa de crosta oceanica se funde en o manto terrestre baixo l'atra placa, que puet estar de crosta oceanica, continental u de transición. Obducción: una placa de crosta continental puya encima d'atra placa tamién de crosta continental fendo-se un orochén de colisión. Contactos transformants: se produce un movimiento lateral entre as dos placas en un plano horizontal a traviés d'una falla transformant.
Bibliografía Francisco Anguita Virella, Fernando Moreno Serrano. Geología. Procesos Internos. Edelvives. Madrit 1978. Francisco Anguita Virella, Fernando Moreno Serrano. Procesos Geológicos Internos. Editorial Rueda. Madrit 1991. Seiya Uyeda. La nueva concepción de la Tierra: Continentes y océanos en movimiento. Blume ecología, 1980.
Categoría:Cheodinamica interna Categoría:Cheografía