O Museu Ángel Orensanz y Artes de Sarrablo ye una institución artistica de caracter etnolochico situata en Samianigo Baixo, en a provincia de Uesca.
A seu se troba en Casa Batanero, tipico edificio altoaragonés d'o sieglo XIX. O museu s'inaguró en 1979 gracias a la colaboración entre l'Asociación Amigos de Sarrablo, o escultor Ángel Orensanz y o Concello de Samianigo.
A casa-museu de 680 m² tien tres plantas: Baixa: trastes y cambras d'una casa pirenenca; ferrería, corral, telar, bodega, forno. Primera: cocina, fogaril, recibidor, dormitorio, textil Segunda: Sala d'o diaplerón Pedrón, sala d'Ángel Orensanz
Tamién s'ha ito enamplando la casa con atras seccions en as diferents plantas: Baixa: Arquitectura popular Primera: biblioteca, relichiosidat popular Segunda: ciclo d'a vida, ilesias de Sarrablo, debuixo etnolochico de Julio Gavín
A ormino se i fan tamién exposicions, charratas y trobatas artisticas, y a mas o museu se fa servir como de centro d'estudeos y investigación.
Bibliografía Óscar Latas Alegre, Guía del Museo Ángel Orensanz y artes de Serrablo. Ayto. de Samianigo, Instituto de Estudios Altoaragoneneses, Uesca 1998.
Referencias Museu de Artes Populars de Sarrablo Museus d'Aragón Sistema de museus Val de Tena O Pireneu en Internet
Angel Orensanz y Artes de Sarrablo