Castralbo (Castralvo en castellano) ye un barrio rural de la ciudat de Teruel, en la comarca de Comunidat de Teruel y provincia de Teruel.
La suya población ye de 270 habitants (2012).
Toponimia Puet venir de Castrum ("castiello", "fortaleza") y album ("blanco"). L'adchectivo "albo" indica seguntes Agustín Ventura Conejero que ye un toponimo anterior a la reconquiesta. Agustín Ventura Conejero: Toponimia de la provincia de Teruel. Revista Teruel, 48, 1972. p 234
Cheografía Ye situato a 994 metros d'altaria sobre lo livel d'a mar, a una distancia de 4 km de Teruel.
Historia Adintro de la comunidat d'aldeyas de Teruel, Castralbo feba part de la seixma d'el Campo de Cella por lo menos dende 1309. Antonio Ubieto Arteta: Historia de Aragón Divisiones Administrativas, Anubar, 1983, pp 160-161. Manimenos, no presenta continuidat territorial con lo nuclio d'esta seixma y se suposa que perteneixió enantes a la seixma d'el Campo de Sarrión como atras aldeyas sudorientals dica que la creyación de la seixma d'el Campo de Visiedo con aldeyas de la seixma d'el Campo de Cella obligó a reorganizar las seixmas fendo pasar por compensación cuatro aldeyas de la comarca de la sierra de Camarena (Aldeyuela, Camarena, Castralbo y Cubla), dende la seixma de Sarrión a la de Cella. Antonio Gargallo Moya: Los orígenes de la Comunidad de Teruel. Instituto de Estudios Turolenses, 1984. pp 38-39.
En 1488 y 1495 yera en la sobrecullida de Mont Albán. En 1646 yera una localidat de la vereda de Mont Albán. Entre 1711 y 1833 yera en lo correchimiento de Teruel. Teneba la categoría d'aldeya por lo menos dica 1711, pero en 1785 ya teneba la categoría de lugar, tenendo concello en 1834. Yera en lo partiu chudicial de Teruel. Antonio Ubieto Arteta: Historia de Aragón. Los Pueblos y los despoblados, I. Anubar ediciones, 1986. pp 77-78.
En la Edat Meya en Castralbo bi heba vinyers produciban un de los vins mes apreciaus de la Comunidat de Teruel. Ignacio Jordán Claudio de Asso y del Río: Historia de la Economía Política de Aragón Editorial MAXTOR, 2010, pp 186-187 Por lo que pareix la productividat cayó por lo enfridamiento de lo clima dimpués de la Edat Meya (Chicota Edat de Chelo).
Referencias
Categoría:Barrios rurals de Teruel Categoría:Localidaz d'a diocesi de Teruel y Albarracín en a Comunidat de Teruel