A Val d'Aspa (Vath d'Aspa en occitán gascón biarnés, Vallée d'Aspe en francés) ye una val pirinenca d'o versant norte.
Toponimia En o lexico comercial aragonés d'o sieglo XV se documenta o toponimo Aspa en Zaragoza, Uesca y Monzón (queso de Aspa, formatje de Aspa). Léxico del comercio medieval en Aragón (siglo XV), J. Ángel Sesma, Ángeles Líbano, Institución Fernando el Católico, 1982.
Localización A Val d'Aspa ye una val biarnesa, una d'as tres vals de l'Alto Biarn, ubicata en o departamento aquitano de Pireneus Atlanticos, a lo SU de Francia. A val ye desauguata per a garona d'Aspa, y s'estendilla cuasi 40 km dende o lugar d'Escot dica lo Puerto de Somport (1662 m).
L'alta val d'Aspa acubilla una parte d'o Parque Nacional d'os Pireneus.
Historia A val ye estata tradicionalment una important vía de comunicación entre Aragón y Gascunya, unindo a Chacetania d'un canto y lo Biarn de l'altro. Val de pastors, ye estata un camín de paso ta os pelegrins que feban a carrera de Sant Chaime per a clamata Vía d'Arles enta Santiago de Compostela, en Galicia.
O rei Alifonso I lo Batallero concedió lo cobalto d'a sierra d'Aspa a los habitants d'Aragüés de lo Puerto), en un documento escrito en Sola:
En os anyos 90, os ecolochistas protagonizoron en a val d'Aspa una important luita contra la planificación d'a carretera que leva ta lo túnel de Somport.
Caracteristicas A naturaleza d'a val ye encara prou conservata, vivindo-ie encara los zaguers onsos d'os Pireneus.
D'entres os productos tradicionals, en destacan os suyos quesos.
Tamién cal destacar en a val: l'ecomuseu d'a val d'Aspa o casco (u cirque'') de Lascun. o camín de la Mâture.
Referencias
Vinclos externos Sitio web d'a Val d'Aspa. Rota d'a Val d'Aspa en o Parque Nacional d'os Pireneus.
Categoría:Pireneus Atlanticos Aspa Aspa Aspa