Botaya ye un lugar aragonés en o termin municipal de Chaca, comarca de Chacetania y partiu chudicial de Chaca, en a provincia de Uesca. A suya población ye de 30 habitants.
No confundir con l'amanau lugar de Botayola, un despoblau medieval.
Cheografía Botaya ye situau a 960 metros d'altaria sobre lo livel d'a mar, en a vertient sud d'a sierra de Sant Chuan d'a Penya.
Clima A suya temperatura anyal ye 10.47 °C, con una temperatura meya en chinero de 3.1 °C y en chulio de 19.82 °C. "Valores normales de precipitación y temperatura de la red climatológica (1961-1990). Serie monografías. Año 2000" (Instituto Nacional de Meteorología) en a pachina web de l'Instituto Aragonés de Estadística (IAEST).
Historia Seguntes Agustín Ubieto Arteta, a primera cita d'o lugar ye en 1049, en o Cartulario de San Juan de la Peña (Textos Medievales, 9, Valencia 1963), y ye citau con os nombres de Botaya, Botaga, Botaia, Uotaia y Votaga. Ubieto Arteta, Agustín: Toponimia aragonesa medieval, Valencia, 1972.
Molimentos Ilesia de Sant Istevan de Botaya, una ilesia de zaguerías d'o sieglo XII u prencipios d'o sieglo XIII adedicada a Sant Istevan, que conserva un timpano obra d'o Mayestro de Sant Chuan d'a Penya. Ye la ilesia parroquial d'o lugar. Ermita de Sant Climent de Botaya, que se troba en o despoblau de Sant Climent. Ermita de Sant Hadrián de Botaya. Ermita de Sant Miguel de Botaya, d'o sieglo XII.
Referencias
Vinclos externos
*