Riglos ye un lugar d'o municipio d'as Penyas de Riglos (en ye a suya capital), en a comarca de Plana de Uesca y provincia de Uesca.
A suya población ye de 70 habitants (2009).
Riglos ye una d'as etapas d'o GR 1, un sendero de gran recorriu.
Toponimia O toponimo Riglos se puet interpretar a partir d'o latín RIVULUS, forma diminutiva de RIVU ("riu") con sufixo -ULU.
Cheografía Riglos ye situau a piet d'a sierra de Lobarre y d'os Mallos de Riglos, amán d'o río Galligo y tamién d'o castiello de Lobarre, a 678 metros d'altaria sobre o livel d'a mar.
Historia Seguntes Agustín Ubieto Arteta, a primera cita d'o lugar de Riglos ye en 1020 u 1030, en a edición por Antonio Ubieto Arteta d'o Cartulario de Sant Chuan d'a Penya (Textos Medievales, 6, Valencia 1962). Documenta os nombres de Riglos, Rigulos, Rigules, Rigulis, Arigole, Arivele, Arrigulis, Arrigulus, Arrigoli y Arriuule. Ubieto Arteta, Agustín: Toponimia aragonesa medieval, Valencia, 1972.
O lugar fació parte d'a dote que o rei d'Aragón Pietro I cedió a la suya muller Berta d'Aragón en 1097 en o suyo matrimonio, o clamau reino d'os Mallos, que Berta gubernó dimpués d'a muerte d'o suyo esposo.
Molimentos Ilesia d'a Santa Cruz, d'o sieglo XII y estilo romanico, que estió a capiella d'o desapareixiu monesterio de Sant Martín. Riglos en RomanicoAragones.com. Ilesia parroquial de Nuestra Sinyora d'o Mallo, d'o sieglo XVII, con dos imáchens romanicas d'a Virchen María, a clamada Virchen d'o Mallo.
Enrastes externos Riglos en RomanicoAragones.com.
Referencias
Categoría:Lugars d'as Penyas de Riglos Categoría:Localidaz d'a diocesi de Uesca en a Plana de Uesca