Flumes (Llumes en castellano) ye un lugar de lo municipio de Monterd.
Historia Bi n'ha citas de 1260-1265 en aragonés de cuan mugoron lo termin de lo Monesterio de Piedra.
Parla Se i conservan palabras aragonesas como azcla ("ascla"), güina ("fuina"), paniquesa. Ye uno d'os lugars a on se diz domasquinos a los alberches.
Toponimia Ye mencionato como Flumes en la bula de 1182 de lo Papa Lucio III:
En latín existiba una distinción entre rivus ("rigachuelo"), y flumen/fluvius ("curso d'augua important", "río"), a l'igual que en rumano diferencian entre râu u fluviu. En latín hispanico rivus encomenzó a prener o significato de flumen, durando mes l'uso de flumen en arias marguinals como l'Alto Aragón. Encara en aragonés tensín se diz en sale un flumen. En aragonés medieval amás de la palabra "arriu"/río"/"rigo" y variants se documenta l'uso de "flumen" (visible en la toponimia con lo "río Flumen") y "flum" (visible en lo "Libro de lo Trasoro" como "flum Jordan"). Este toponimo plural puet estar tanto una modificación de lo plural "flúmens" como un plural de "flum".
Vinclos externos Diccionario local
Categoría:Lugars d'a provincia de Zaragoza Categoría:Lugars de Monterd Categoría:Localidaz d'a diocesi de Tarazona en a Comunidat de Calatayú