Macau (Chinés: 澳門, pinyin: Àomén, portugués: Macau), ye un chicot territorio en a costa sud de China. Se troba a lo canto d'a provincia de Guangdong, 70 km ta lo sud-ueste de Hong Kong, en o canto sud d'o delta d'o Río d'as Perlas, y a una distancia de 145 km de Guangzhou.
Dende lo 20 d'aviento de 1999, Macau ye una d'as dos rechions administrativas especials d'a Republica Popular China, estando l'atra Hong Kong. Dica ixa calendata heba estau baixo administración portuguesa mientres cuasi 450 anyadas. Como en Hong Kong, a Lei Fundamental de Macau guarancia lo mantenimiento d'o sistema economico capitalista y d'una autonomía muit gran demientres a lo menos 50 anyadas. Permaneixe o sistema chudicial establiu por Portugal, y lo portugués, anque ya cuasi no se fabla, tien status de luenga oficial chunto con o chinés.
Vinclos externos
*