Fredric March (nombre artistico d'Ernest Frederick McIntyre Bickel) estió un actor estausunidense, naixito o 31 d'agosto de 1897 en Racine (Wisconsin) y muerto o 14 d'abril de 1975 en Los Angeles (California). Activo en o cine estausunidense dende primerías d'os anyos 1920 dica meyaus d'os anyos 1970, nomás que dos anyadas antis d'a suya muerte.
Entre a suya filmografía, se puet mencionar a suyas actuacions en cintas como The Royal Family of Broadway (1930, George Cukor y Cyril Gardner), Dr. Jekyll and Mr. Hyde (1931, Rouben Mamoulian), Design for Living (1933, Ernst Lubitsch), Les Misérables (1935, Richard Boleslawski), Anna Karenina (1935, Clarence Brown), A Star Is Born (1937, William A. Wellman), I Married a Witch (1942, René Clair) u The Best Years of Our Lives (1946, William Wyler).
Premios Fredric March recibió dos premios Oscar a o Millor Actor: en 1932 por o suyo papel en a cinta Dr. Jekyll and Mr. Hyde, de Rouben Mamoulian (en un premio compartito con l'actor Wallace Beery); y en 1947 por a suya actuación en The Best Years of Our Lives, de William Wyler.
Fue nominato a l'Oscar a o Millor Actor en 1931 (por The Royal Family of Broadway, de George Cukor y Cyril Gardner); 1937, por A Star Is Born, de William A. Wellman; y 1951, por Death of a Salesman, de László Benedek.
Tamién recibió en 1951 a Copa Volpi a o Millor Actor d'o Festival Internacional de Cine de Venecia por a suya interpretación en a cinta Death of a Salesman, de László Benedek, a mas d'un Globo d'Oro a o Millor Actor Dramatico en a misma anyada.
En 1960 recibió un Onso de Plata a o Millor Actor d'o Festival Internacional de Cine de Berlín por Inherit the Wind.
Tamién en 1960, se li adhibió una estrela a lo Paseyo d'a Fama de Hollywood, estando a suya estrela situada en o 1620 de Vine Street d'a ciudat de Los Angeles. Fredric March en Walk of Fame Stars.
En o Teatro, recibió un Premio Tony a o Millor Actor Teatral en 1957 por Long Day's Journey into Night.
Filmografía Actor