Rod Steiger (nombre artistico de Rodney Stephen Steiger) estió un actor estausunidense, naixiu lo 14 d'abril de 1925 en Westhampton (Nueva York) y muerto o 9 de chulio de 2002 en Los Angeles (California). Activo en o cine estausunidense dende meyaus d'os anys 1940 dica primerías d'os anyos 2000, recibió cuantos premios y nominacions mientres a suya carrera cinematografica.
D'entre la suya filmografía, pueden mencionar-se actuacions en bellas cintas como On the Waterfront (1954, Elia Kazan), Oklahoma! (1955, Fred Zinnemann), The Harder They Fall (1956, Mark Robson), Jubal (1956, Delmer Daves), Across the Bridge (1957, Ken Annakin), World in My Pocket (1961, Alvin Rakoff), The Longest Day (Ken Annakin, Andrew Marton y Bernhard Wicki), Doctor Zhivago (1965, David Lean), In the Heat of the Night (1967, Norman Jewison), Waterloo (1970, Sergei Bondarchuk), Mussolini ultimo atto (1974, Carlo Lizzani), W. C. Fields and Me (1976, Arthur Hiller), Love and Bullets (1979, Stuart Rosenberg), Lion of the Desert (1981, Moustapha Akkad), The January Man (1989, Pat O'Connor), The Last Tattoo (1994, John Reid), u Legacy (1998, T. J. Scott).
Premios Rod Steiger recibió lo Premio Oscar a o Millor Actor en 1967 por o suyo papel en a cinta In the Heat of the Night, de Norman Jewison; por ista misma cinta recibió un Premio BAFTA a o Millor Actor (1968) y un Globo d'Oro a o Millor Actor Dramatico (1967).
Recibió tamién un atro Premio BAFTA a o Millor Actor en 1967 por a suya actuación en The Pawnbroker, de Sidney Lumet.
Antiparte, en 1964 fue nominau a l'Oscar a o Millor Actor por a suya interpretación en a cinta The Pawnbroker, de Sidney Lumet.
Se veiga tamién Cintas interpretadas por Rod Steiger.
Vinclos externos
Rod Steiger en Internet Movie Database.
Categoría:Actors d'Estaus Unius Categoría:Actors de Hollywood Categoría:Globo d'Oro a o Millor Actor Dramatico Categoría:Muertos en Los Angeles Categoría:Naixius d'o estau de Nueva York Categoría:Nominau a o Premio Oscar a o Millor Actor Categoría:Premio BAFTA a o Millor Actor Categoría:Premio Oscar a o Millor Actor Categoría:1925 (naixencias) Categoría:2002 (muertes)