The Chieftains ye un grupo de musica irlandés, establito en 1962 ta tocar musica tradicional irlandesa y musica celta.
Historia d'o grupo O grupo fue establito en 1962 y gravó o suyo primer disco en 1963, con o nombre d'o propio grupo, The Chieftains. Os suyos primers miembros estioron Paddy Moloney (gaita irlandesa), Martin Fay (vriolín y bones), Seán Potts (tin whistle) y David Fallon (bodhrán). Toz os musicos heban estau miembros d'os grupos Ceoltóirí Cualann u Seán O'Ríada. Estioron o primer grupo de musica instrumental irlandesa, y no pas vocalica, como The Dubliners u d'atros grupos de musica tradicional irlandesa.
Ta o suyo segundo disco, en 1969, The Chieftains 2, a banda incorporó a Seán Keane en o vriolín, y Peadar Mercier substituyó a David Fallon en o bodhrán. Ta o suyo tercer disco, en 1971, The Chieftains 3, o grupo yera consolidato, y fació a suya pimer chira por Estaus Unius en 1972.
En 1975 The Chieftains tien popularidat, por a suya composición d'a canción Women of Ireland ta a banda sonora d'a pelicula Barry Lyndon, de Stanley Kubrick.
Caracteristicas d'a suya musica Ye un grupo con radices en a musica tradicional irlandesa, y emplegan u s'inspiran en obras d'antigos compositors irlandeses, como Turlough O'Carolan, encara que tienen influencias d'estilos musicals mas modernos. O suyo repertorio musical incluye dende musica de pub enta musica sinfonica compuesta ta o cine.
The Chieftains han colaborato con cantaires u grupos d'estilos muy variatos, como Van Morrison, Elvis Costello, Tom Jones, Sinéad O'Connor, Roger Waters, Rolling Stones, Kepa Junkera u Akiko Yano.
Tamién gravoron en Nashville (Tennessee, Estaus Unius) discos que amuestran a influencia d'a musica irlandesa en o country, con bellos cantaires d'ixe estilo.
Miembros d'o grupo Encara que a composición d'o grupo ye variable en a suya historia, bi ha miembros que bi son dende o suyo establimiento: Paddy Moloney (uilleann pipe, tin whistle, acordión, bodhrán). Ye l'alma d'o grupo. Matt Molloy (flauta, tin whistle). Kevin Conneff (bodhrán, voz). Seán Keane (fiddle, tin whistle). Martin Fay (fiddle, bones). Derek Bell (arpa, piano, oboe).
En 2002 Fay albandonó o grupo y Bell morió.
Antigos miembros Atros miembros estioron: David Fallon (bodhrán). Ronnie McShane (instrumentos de percusión). Peadar Mercier (bodhrán). Sean u Riada (harpsichord). Seán Potts (tin whistle, percusión, bodhrán). Michael Tubridy (flauta y tin whistle).
Discografía En solitario d'o grupo 1963: The Chieftains 1. 1969: The Chieftains 2. 1971: The Chieftains 3. 1973: The Chieftains 4. 1975: The Chieftains 5. 1976: The Chieftains 6: Bonaparte's Retreat. 1977: The Chieftains 7. 1978: The Chieftains 8. 1979: The Chieftains 9: Boil The Breakfast Early. 1981: The Chieftains 10: Cotton-Eyed Joe. 1982: The Year Of The French. 1982: Concert Orchestra. 1985: The Chieftains In China. 1985: Music from Ballad of the Irish Horse. 1987: Celtic Wedding. 1988: The Tailor Of Gloucester. 1989: A Chieftains Celebration. 1991: Bells Of Dublin. 1992: Another Country. 1992: An Irish Evening. 1995: The Long Black Veil. 1996: Film Cuts. 1996: Santiago. 1998: Long Journey Home. 1999: Tears Of Stone. 2000: Water From The Well. 2002: The Wide World Over. 2002: Down the Old Plank Road: The Nashville sessions. 2003: Further Down the Old Plank Road. 2005: Live From Dublin. 2006: The Essential Chieftains
Con atros interpretes 1987: In Ireland, con James Galway. 1988: Irish Heartbeat, con Van Morrison. 1990: Over the Sea To Skye: The Celtic Connection, con James Galway. 1993: The Celtic Harp: A Tribute To Edward Bunting, con a Belfast Harp Orchestra. 1998: Fire in the Kitchen. 1998: Silent Night: A Christmas in Rome.
Vinclos externos
Pachina web oficial.
Categoría:Musica celta Categoría:Musica tradicional irlandesa Categoría:Grupos de musica d'Irlanda Categoría:Cantaires en anglés Categoría:Cantaires en irlandés Categoría:Grupos de musica folk