O torretón d'a Zuda de Zaragoza ye o que queda d'o palacio d'a Zuda, alcázar andalusí situau adintro d'a ciudat y seu d'o gubierno. Guillermo Fatás (coord.) Guía histórico-artística de Zaragoza, Concello de Zaragoza, 1991, , p.195 A suya forma actual ye d'a segunda metat d'o sieglo XVI. Ye en o cabo occidental d'a Plaza d'o Pilar, dezaga d'a Fuente de las Américas y a cantos d'a Ilesia de Sant Chuan d'os Panez. Dimpués d'a excavación arqueolochica y a restauración rematadas en 2001, acubilla un oficina municipal de turismo.
Historia Os musulmans construyioron l'alcázar apegau a la muralla d'a ciudat en forma de fuerte que se feba servir como residencia d'o gobernador d'a ciudat. Dimpués os reis taifas en facioron una residencia d'hibierno. O Torretón d'a Zuda correspone con a torre de l'homenache d'o palacio que se construyió sobre una d'as torres d'a muralla.
En 1118 as tropas d'Alifonso I lo Batallero prenioron este torretón, lo que significaba que ya heban preso a ciudat. L'edificio pasó a estar o palacio reyal y seu d'os reis d'Aragón dica que en o sieglo XIII encomenzoron a fer servir de seu o palacio de l'Alchafaría.
thumb|220px|left|Sant Chuan d'os Panez En 1180 o rei Alifonso II d'Aragón donó l'edificio a la Orden de Sant Chuan de Cherusalem, encara que mantenindo como suya a part sud de l'edificio, a cantos de l'antiga puerta de Toledo. D'astí entadebán se convertirá en un hespital conoixiu como "Zuda de l'Hespital", en o que os caballers acolliban a pobres y malautos. Os hespitalers construirían tamién una ilesia dedicada a Sant Chuan Baptista que no s'ha conservau.
Dende o sieglo XIV, l'edificio, que dica ixe inte yera a central d'a Orden d'a redolada de Zaragoza, se convertirá en a seu d'o Castellano d'Amposta, a mayor autoridat d'a orden en Aragón. L'edificio tamién se fació servir de cuan en cuan pa acubillar a los reis d'Aragón, como ye o caso de Chaime I y a suya muller Alionor, que i estioron presos en 1224 dimpués d'una revuelta de nobles aragoneses.
En os sieglos vinients l'edificio tendrá muitas modificacions, la mayor parte no documentadas. L'actual ilesia de Sant Chuan d'os Panez, construita por orden d'o gran Castellano Vicente de Oña, la rematoron en 1725 y substituyó a l'antigua ilesia medieval. A torre, que ye un poquet inclinada, ye d'o sieglo XVI.
Referencias
Vinclos externos
Categoría:Biens d'Intrés Cultural d'a Comarca Central Categoría:Castellanía d'Amposta Zuda