A plaza de Miguel Salamero ye una centrica plaza de Zaragoza (Aragón). Popularment conoixita tamién como plaza d'el Carbón, ye adedicata a Miguel Salamero, heroico defensor d'a ciudat en os Seches de Zaragoza y vecín d'o barrio de Sant Pavlo.
En ista mesma zona se trobaba, dimpués d'a conquiesta de Saraqusta por o Batallero, una d'as morerías d'a ciudat, y la plaza se deciba "Plaza de la Alfondiga".
Ya en o sieglo XII se bi establioron diferents conventos d'ordens relichiosas. Destaca o convento de Sant Ildefonso d'os Dominicos de l'anyo 1522 y que dimpués d'a desamortización estió tamién Hespital Militar d'a ciudat. Encara s'alza d'iste convento d'a suya ilesia, a ilesia de Sant Ildefonso que a mas fue declarata Molimento Nacional en l'anyo 1975.
Important tamién yera o convento de Santa Fe, establito en 1553 o mesmo puesto a on yera en tiempos medievals a mesquita mayor d'a morería. Convento iste zaguero que esfendió Miguel Salamero en a Guerra d'o Francés, en a zona conoixita como Huerta de Santa Fe. Mientres a segunda metat d'o sieglo XIX se convirtió en Museu y Academia d'Artes Politas.
Salamero