Trygve Bratteli, naixito de Nøtterøy (Vestfold) l'11 de chinero de 1910 y muerto o 20 de noviembre de 1984, estió un politico noruego, que estió o primer ministro de Noruega dende 1971 dica 1972, y dende 1973 dica 1976. Tamién estió ministro de Finanzas dende 1951 dica 1955 y dende 1956 dica 1960; y ministro de Transportes dende 1960 dica 1963 y dende 1963 dica 1964. Estió militant d'o Partiu d'os Treballadors de Noruega.
Primeras anyadas En a suya choventut exerció muitos oficios. Por a suya actividat politica lo engarcholoron en 1942 mientres a Segunda Guerra Mundial, y estió en un campo de concentración en o Tercer Reich (en o Campo de concentración de Vaihingen an der Enz).
Dimpués d'a suya liberación en 1945, rematada a guerra, fue esleito President d'o suyo partiu y reemprendió a suya carrera politica. En 1980 escribió Fange i natt og tåke, un relato d'as suyas experiencias en os campos de concentración, que vendió mas de 180.000 eixemplars.
Actividaz politicas Esleito deputado en 1950 en o Storting, fue reesleito sucesivament, y estió ministro de Finanzas en 1951 en o Gubierno d'Oscar Torp y en 1956 en o Gubierno d'Einar Gerhardsen; y ministro de Transportes en 1960 con o Gubierno d'Einar Gerhardsen y en 1963 en atro Gubierno de Gerhardsen.
Vinclos externos Biografía de Trygve Bratteli en a pachina web d'o Storting.
Categoría:Politicos de Noruega Categoría:Primers ministros de Noruega Categoría:Ministros de Noruega Categoría:1910 (naixencias) Categoría:1984 (muertes)