O Cascallo (en castellano Cascajo) ye un barrio d'a ciudat de Zaragoza situato en Sant Gregorio, en o districto d'os Barrios Rurals Norte.
En iste barrio se troba o Hespital Royo Villanova que da servicio a la marguin ezquierda y barrios d'o norte d'a ciudat de Zaragoza. Popularment iste centro ye conoixito como Hospital del Cascajo (en aragonés significa "Hespital d'o Cascallo"), por trobar-se en iste barrio.
Historia A Casa de Ganaders de Zaragoza teneba en iste barrio a suya forca ta enforcar a qui dimpués d'un pleito con ista institución yera condenato a pena de muerte.Anabad-Aragón (.doc)
Toponimia "Cascallo" significa en aragonés terreno pedregoso y malo pa o cautivo. Ye una palabra que tien equivalents en atras luengas iberorromanicas. En catalán un fondón marín pedregoso ye tamién un cascall. En tot Aragón bi ha u bi ha habito nombres de fincas, termins, barrios u dica lugars con o nombre de Cascallo, muitos d'ellos huei castellanizatos como cascajo.
O cascallo de Zaragoza se menciona como Quasquallo u Quosqallo en un texto de 1158 de l'archivo d'o Pilar, y como Casacallo en un texto de 1163. Encara en un texto de 1470 se clamaba Cascallo:
Vinclos externos Plan d'o barrio y d'o Hespital Royo Villanova (.pdf).
Bibliografía Jose Antonio Fernández Otal: La casa de los Ganaderos de Zaragoza. 1993.
Referencias
Categoría:Barrios de Zaragoza