A ilesia de Sant Fertús de Barós ye una ilesia d'estilo romanico, d'o sieglo XII, construita en o lugar de Barós, d'o municipio de Chaca, en a comarca d'a Chacetania, en Uesca (Aragón).
Historia En 1063 a ilesia de Sant Fertús fue cedita a la seu de Sant Pero de Chaca, y en 1083 Sancho Remíriz cedió tot o lugar ta sostener l'albergue de pelegrins de Chaca.(Cobreros, 2004:162)
Descripción Ye una ilesia que tien nomás una nau, con un abside semicircular y un presbiterio atrofiato.
En o sieglo XVI se le anyadió una capiella en o costato de l'Evanchelio, y en o sieglo XVIII una torre de planta cuadrata de dos pisos, una loncha y una sacristía, eliminatos en zaguera restauración.
Ye construita con piedra picata, con bellas aperturas ta a suya iluminación y dos puertas d'acceso: l'antiga portalada meridional, con arco de meyo punto, y a puerta d'acceso actual, que ye acabeceroata.
L'abside tien un friso de nueu arquiellos lombardos ciegos y d'atros elementos mas propios d'o estilo arquitectonico d'o romanico chaqués.
Protección legal O 22 de marzo de 2002 o Gubierno d'Aragón declaró a ilesia de Sant Fertús de Barós como Bien d'Intrés Cultural.
Bibliografía Cobreros, Jaime: Las rutas del románico en Espanya. Volumen II: Aragón, Catalunya, Navarra, País Vasco y La Rioja, Grupo Anaya, S.A., Madrit, 1ª edición, marzo de 2004, .
Vinclos externos Texto d'a declaración d'a ilesia como Bien d'Intrés Cultural por o Gubierno d'Aragón. A. García Omedes: A ilesia de Sant Fertús de Barós en RomanicoAragonés.com.
Referencias
Fertús de Barós Fertús de Barós Fertús de Barós Fertús de Barós Barós Fertús de Barós Ilesia de Sant Fertús de Barós Ilesia de Sant Fertús de Barós