A Republica Democratica Socialista de Sri Lanka, ye un estau islenco situau en Asia a lo sud-este d'a India, que dica 1972 yera clamau Ceilán. Con una población de 18.870.000 habitants (2002) en una superficie de 65.610 km², a suya densidat de población ye de 287.60 hab/km², estando la suya capital situada en a ciudat de Colombo como seu d'o poder executivo, estando la seu d'o poder lechislativo srilankés situada en a ciudat de Sri Jayewardenepura Kotte, conoixida popularment como Kotte. Antiga colonia britanica, Sri Lanka plegó en a suya independencia d'o Reino Uniu lo 4 de febrero de 1948, estando organizau lo país politicament como una republica semipresidencialista, a on l'actual president de Sri Lanka ye Ranil Wickremesinghe y l'actual primer ministro ye Dinesh Gunawardena.
Con una población estimada en 2020 de 22 millons d'habitants, Sri Lanka ye un estau multinacional a on bi confluyen cuantas culturas, relichions y idiomas, estando la mayoría d'os habitants d'o país os singaleses, con presencia d'una important minoría de tamils (etnia que ha teniu importancia destacada en a Historia de Sri Lanka) y atras minorías mas chicotas, como moros srilankeses, burghers, malayos de Sri Lanka u chineses de Sri Lanka, amás d'os vedda, o pueblo indichena srilankés anterior a la plegada d'os pueblos indoeuropeus enta la isla.
Organización politico-administrativa A efectos administrativos, Sri Lanka ye dividida en nueu provincias y vinticinco districtos. thumb|center|super|350px|As provincias de Sri Lanka.
Provincia Capital Superficie (km²) Población (hab) Densitat (hab/km²) Central Kandy 5.674 2.423.966 435 Este Trincomalee 9.996 1.419.602* 152 Norte Jaffna 8.884 1.040.963* 117 Norte Central Anuradhapura 10.472 1.104.677 105 Nord-ueste Kurunegala 7.888 2.169.892 275 Ueste Colombo 3.684 5.381.197 1.461 Sabaragamuwa Ratnapura 4.948 1.801.331 364 Sud Galle 5.544 2.278.271 411 Uva Badulla 8.500 1.177.358 139
Referencias
Vinclos externos
*