Iste articlo ye sobre un parque forestal en Biescas; ta atros usos, se veiga Arratiecho.
O Parque Forestal d'Arratiecho ye un parque forestal situato en o municipio de Biescas. Se troba entre a villa y o fosal de Biescas y ye formato prencipalment por una chicota selva de pin royo, encara que tamién bi ha árbols d'atras especies.
Os eixemplars d'as diferents especies d'arbols son identificatos taxonomicament con chicoz cartels.
L'eixe prencipal d'o parque ye o barranco d'Arratiecho que lo trescruza de norte ta sud, formando en a suya parti norte una chicota estanca amán d'o cruce de camins entre o PR-HU 80 y o GR 15. thumb|left|250px|A selva Dimpués d'a Guerra Civil, que destruyió de tot o nuclio urbán de Biescas y atros lugars d'a redolada, se facioron en Arratiecho faixas t'asentar o terreno y se repobló con pins.GPS Pirineo En os zaguers anyos s'han sinyalato recorritos por o parque ta caminar y fer exercicio con bellas maquinas que s'han instalato.
Toponimia O toponimo Arratiecho ya apareixe en a Carta de particion de las buegas de los terminos de Biescas e GaujnAmigos de Sarrablo, Chunio 1996 de l'anyo 1484, alcuerdo notarial ta fixar as mugas entre Biescas y Gavín, en iste documento lo trobamos como Arratiello.
Pareixe posible que iste toponimo faiga referencia a un chicot curso d'augua u "riatiello" como o barranco d'Arratiecho, habendo evolucionato a cheminata d'o sufixo -iello a una palatal africata.Nombres de lugar de Sobrepuerto
Vinclos externos
Arratiecho en www.altogallego.com
Referencias
Categoría:Biescas Categoría:Espacios naturals d'Aragón