Santos Luciano Alonso Muñiz , conocíu como Santos Bandera, foi un cantante asturianu de tonada, consideráu un maestru de les ayeranes.
Les necesidaes económiques que se daben n'Asturies nel so tiempu llévenlu a emigrar a Cuba, pasando con posterioridá a trabayar en Nueva York. Tornaría pa la so tierra ensin llegar a convertise nel típicu indianu con fortuna y viose obligáu a trabayar como guarda xuráu nos sos últimos años de vida.
Nun participó en nengún concursu, nin dexó grabáu nengún cantar, pero queda l'acordanza, ente los que lu conocieron, de la so gran voz y la maestría d'interpretar les tonaes. Formó parte d'una xeneración mítica d'intérpretes dientro del mundu de la tonada: Quin el Pescador, Los Cuatro Ases, Xuacu'l de Sama, La Busdonga, …
Muerre a la edá de 53 años, trabayando como vixilante xuráu pa una empresa minera.
Referencies
Enllaces esternos
Categoría:Persones d'Ayer Categoría:Cantantes de tonada