Carmelo Antonio Suárez Cabrera ye un arquiteutu, políticu y sindicalista canariu, históricu militante comunista. Cabezaleru del PCPE.
Reseña biográfico Los sos principios políticos, dende mui mozu, tan ligaos coles Juventudes Comunistas, y inmediatamente al PCE y Comisiones Obreres; entós organizaciones na clandestinidá por mor de la dictaura franquista.
Leninista convencíu, demientres la Transición coló del PCE por disentir cola llinia política eurocomunista del partíu, axuntándose a Pueblo Canario Unido y Unión del Pueblo Canario, delles formaciones nacionalistes d'izquierda.
Nel 1984 fundóse nel so despachu profesional de Las Palmas de Gran Canaria el Partíu Comunista del Pueblo Canario (PCPC), seición canaria del PCPE, del que resultó escoyíu secretariu políticu.
Nel 1986 tomó parte activa na campaña pol Non nel referendu sobre la OTAN. Esi mesmu añu sofitará a la creación de la coalición Izquierda Canaria Unida (ICU), primer referente d'Izquierda Xunida nes islles.
Nel 2005 foi elixíu secretariu xeneral del Partíu Comunista de los Pueblos de España.
Nel 2007 foi unu de los creaores de la Fundación Obrera de Investigación y Cultura, con sede en Madrid.
Referencies
Enllaces esternos
Entrevista en Granma Videu d'un mítin en Madrid
Categoría:Políticos y polítiques d'España Categoría:Sindicalistes d'España Categoría:Comunistes d'España Categoría:Persones de Canaries